அமெரிக்க பொருளாதாரம் 5.7 சதவீதமாக வளர்ச்சி

புதுடில்லி: சென்ற 2009ம் ஆண்டு, டிசம்பர் மாதத்துடன் நிறைவடைந்த நான்காவது காலாண்டில், அமெரிக்காவின் மொத்த உள்நாட்டு உற்பத்தி 5.7 சதவீதமாக உயர்ந்துள்ளது. ஏற்கனவே, இந்த காலகட்டத்தில் அமெரிக்க பொருளாதாரம் 4.6 சதவீதமாக இருக்கும் என்று பொருளாதார நிபுணர்கள் கருத்து தெரிவித்து இருந்தனர். இந்நிலையில், எதிர்பார்ப்புகளையும் மீறி அமெரிக்க பொருளாதாரத்தில் வளர்ச்சி ஏற்பட்டுள்ளது.

கடந்த 2003ம் ஆண்டின் மூன்றாவது காலாண்டிற்கு பிறகு தற்போதுதான் அங்கு இந்த அளவிற்கு முன்னேற்றம் ஏற்பட்டுள்ளது என்பது குறிப்பிடத்தக்கது.


பொருளாதார சரிவு காரணமாக, சென்ற 2009ம் ஆண்டின் முதல் இரண்டு காலாண்டுகளில், அமெரிக்க பொருளா தாரத்தில் சரிவு ஏற்பட்டு இருந்தது. இந்நிலையில், மூன்றாவது, நான்காவது காலாண்டு களில் இதில் வளர்ச்சி ஏற்பட்டுள்ளது. இருப்பினும், ஒட்டுமொத்தத்தில் சென்ற 2009-ஆம் ஆண்டில் அமெரிக்க பொருளாதாரத்தில் 2.4 சதவீதம் சரிவு ஏற்பட்டுள்ளது என்பது குறிப்பிடத் தக்கது.

பெங்களூர் வேண்டாம்; பஃபல்லோ போதும்!-இது ஒபாமா
வாஷிங்டன்: தனது தேர்தல் வாக்குறுதிகளில் ஒன்றை முழுமையாக நிறைவேற்றியுள்ளார் அமெரிக்க அதிபர் பாரக் ஓபாமா.

அமெரிக்க வேலைகளை வெளிநாட்டில் கொடுத்துச் செய்வதற்கு பதில், அதை அமெரிக்காவிலேயே செய்து, வேலை வாய்ப்புகளை அதிகரிப்போம் என ஒபாமா கூறியிருந்தார்.

இப்போது அதை செயல்படுத்த ஆரம்பித்துள்ளார். இது இந்தியாவுக்கு பாதகமானது என்றாலும், அமெரிக்கப் பார்வையில் அவர்களுக்கு பெரும் நன்மை தரக்கூடியதாக உள்ளது என பொருளியல் வல்லுநர்கள் தெரிவித்துள்ளனர்.

அமெரிக்க நிறுவனங்கள் பெங்களூர், சென்னை, புனே, ஹைதரபாத் போன்ற இந்திய நகரங்களில் அவுட்சோர்ஸிங் மூலம் தங்கள் நிறுவனங்களுக்கான பணிகளைச் செய்து கொண்டுள்ளன. இந்த நிறுவனங்களுக்கு வரிச் சலுகையும் கொடுத்து வந்தது அமெரிக்கா.

இந் நிலையில் வெளிநாடுகளில் அவுட்சோர்ஸிங் செய்யும் அமெரிக்க நிறுவனங்களுக்கு வரிச் சலுகை கிடையாது என திட்டவட்டமாக வெள்ளை மாளிகை அறிவித்துள்ளது.

'இனி பெங்களூருக்கு நோ சொல்லுங்க, பஃபல்லோ சிட்டிக்கு யெஸ் சொல்லுங்க' எனும் புதிய முழக்கம் அமெரிக்காவில் ஒலிக்கத் துவங்கியுள்ளது. அதுவே ஒபாமா அரசின் கொள்கையாகவும் உள்ளதால், அமெரிக்க நிறுவனங்கள் உடனடியாக செயல்படுத்த துவங்கியுள்ளன.

அதன்படி முழுக்க முழுக்க அமெரிக்காவில் இயங்கும், அனைத்து வேலைகளையும் அமெரிக்காவிலேயே செய்து கொள்ளும் நிறுவனங்களுக்கு மட்டுமே இனி வரிச் சலுகை கிடைக்குமாம். இதை ஒபாமா நேற்று அதிகாரப்பூர்வமாக அறிவித்தார்.

அவர் கூறியுள்ளதாவது:

"வெளிநாட்டில் பணிகளைச் செய்து கொண்டு , பெரும் லாபம் சம்பாதித்து, அமெரிக்காவில் வரிச் சலுகையை அனுபவிக்கும் நிறுவனங்களுக்கான சலுகைகள் அனைத்தையும் இன்றுடன் ரத்து செய்ய முடிவு செய்துள்ளோம். இந்த நிறுவனங்களுக்கு வேண்டிய அளவு அவகாசம் கொடுக்கப்பட்டுவிட்டது. இந்த வரிச்சலுகைகள் மக்களின் பணம்தான். அதை வீணடிக்க மாட்டோம்.

இதற்குமுன், அமெரிக்காவின் பஃபல்லோ சிட்டியைவிட, இந்தியாவின் பெங்களூரில் ஒரு புதிய வேலையை உருவாக்கினால் செலவு குறைவு என்ற முட்டாள்தனமான வரித் திட்டம் இருந்தது. இப்போது அதை அடியோடு மாற்றியுள்ளோம்... " என்று கூறியுள்ளார்.

அமெரிக்க நிறுவனங்களில் வேலை இழக்கும் நபர்களின் எண்ணிக்கை லட்சக்கணக்கில் அதிகரித்துள்ள நிலையில், ஒபாமாவின் இந்தத் திட்டம் உடனடிப் பலன் தரும் என நம்புகின்றனர் அமெரிக்கர்கள்.

எச்-1பி விசா வெட்டு: 'வேலை'யை ஆரம்பித்தது ஒபாமா அரசு!
வாஷிங்டன்: நிதி நெருக்கடியிலிருந்து தப்பிக்க அமெரிக்க அரசிடம் இருந்து உதவி பெறும் நிறுவனங்கள், எச்-1பி விசாக்களை பெற்று, வெளிநாட்டவர்களை வேலைக்கு அழைக்க தடை விதிக்கப்பட்டுள்ளது.

இதனால், இந்தியப் பணியாளர்கள் பெருமளவில் பாதிக்கும் நிலை ஏற்பட்டுள்ளது.

பொருளாதார மந்த நிலையால் அமெரிக்கப் பொருளாதாரமே முடங்கியுள்ளது. எங்கும் வேலை இழப்புகள், நிறுவன மூடல், வங்கி மோசடி என கட்டுப்பாடிழந்த நிலையில் உள்ளது அமெரிக்கப் பொருளாதாரம்.

இதைச் சீர் செய்வதற்காக, பொருளாதார சலுகை திட்ட மசோதா ஒன்று, அமெரிக்க செனட் சபையில் அறிமுகம் செய்யப்பட்டுள்ளது. இந்த மசோதா நிறைவேறினால், பொருளாதார மந்த நிலையால் பாதிக்கப்பட்ட நிறுவனங்கள் நிதி உதவி பெறலாம்.

ஆனால் இப்படி நிதி உதவி பெறும் நிறுவனங்கள் எச்-1 பி விசாக்கள் மூலம் வெளிநாட்டுப் பணியாளர்களை வேலைக்கு அமர்த்தக் கூடாது என கட்டுப்பாடு விதிக்கப்பட்டுள்ளது. இதற்கான சட்டத்திருத்தமும் நேற்று அமெரிக்க செனட்டில் அறிமுகப்படுத்தப்பட்டுள்ளது.

இந்தச் சட்டப்படி இனி, அமெரிக்க அரசிடம் உதவி நிதி பெறும் நிறுவனங்கள், அமெரிக்கர்களை மட்டுமே வேலைக்கு வைத்துக் கொள்ள வேண்டும். மிகமிக அவசியம் எனக் கருதினால் மட்டுமே வெளிநாட்டவர் ஓரிரிருவரை பணியில் அமர்த்திக் கொள்ளலாம் என அமெரிக்க அரசு அறிவுறுத்தியுள்ளது.

இந்த சட்டத் திருத்தம் மற்ற நாட்டுப் பணியாளர்களை இந்தியர்களையே அதிகம் பாதிக்கும் என்று தெரிகிறது.

அமெரிக்க நிறுவனங்களுக்கு 33 பில்லியன் வரிச்சலுகை! - ஒபாமா அறிவிப்பு!
பால்டிமோர்: சிறிய வர்த்தக நிறுவனங்கள் அதிக பணியாளர்களை, குறிப்பாக அமெரிக்கர்களை, பணியிலமர்த்தும் வகையில் புதிய நிதிச் சலுகைகளை அறிவித்துள்ளார் அமெரிக்க அதிபர் பாரக் ஒபாமா. இதன் மதிப்பு மட்டும் 33 பில்லியன் டாலர்கள்.

இதன் மூலம் அமெரிக்காவில் 10 சதவிகித அளவுக்கு புதிய வேலை வாய்ப்புகள் உருவாகும் என்று கணிக்கப்பட்டுள்ளது.

அமெரிக்க அதிபர் ஒபாமா பதவிக்கு வந்து 1 ஆண்டு பூர்த்தியடைந்து விட்டது. இந்த ஒரு ஆண்டு காலத்தில் 60 லட்சம் பேர் வேலை இழந்துள்ளனர். மாறாக புதிய வேலை வாய்ப்பை உருவாக்கும் முயற்சி போதிய வெற்றியை அடையவில்லை.

இந்த நிலையில், வெளிநாட்டு நிறுவனங்களுக்கு பிபிஓ பணிகளைத் தரும் அமெரிக்க கம்பெனிகளுக்கு அளிக்கப்பட்டு வந்த வரிச் சலுகைகளை ரத்து செய்துவிட்டார் ஒபாமா. இதனால் அமெரிக்கர்களுக்கு இனி வரும் நாட்களில் அதிக வேலைவாய்ப்பு கிடைக்கும் வாய்ப்பு ஏற்பட்டுள்ளது.

இன்னொரு பக்கம் கூடுதல் வரிச் சலுகையாக 33 பில்லியன் டாலர் திட்டத்தை அறிவித்துள்ளார் ஒபாமா. இதன்படி புதிதாக நியமிக்கப்படும் ஒவ்வொரு பணியாளருக்கும் 5000 டாலர் புதிய சலுகை தருவதோடு, ஒவ்வொரு காலாண்டு முடிவிலும் சிறு நிறுவனங்கள் தங்களுக்கான வரிச் சலுகையைப் பெற்றுக் கொள்ளலாம் என அறிவித்துள்ளார்.

'இந்த சலுகை மூலம் அமெரிக்காவை மீண்டும் அதன் பழைய நிலைக்கு கொண்டுவருவதை துரிதப்படுத்துகிறோம்' என்கிறார் ஒபாமா.

நடப்பு ஆண்டு ஜனவரி மாதத்தில்
முன்னணி நிறுவனங்களின் வாகனங்கள் விற்பனை பன்மடங்கு அதிகரித்துள்ளது

இக்கனாமிக் டைம்ஸ் செய்தி பிரிவு
புதுடெல்லி
நடப்பு ஆண்டு ஜனவரி மாதத்தில், முன்னணி நிறுவனங்களின் கார்கள், இரு சக்கர வாகனங்கள் விற்பனை சிறப்பான அளவில் அதிகரித்துள்ளது. இதனால், நாட்டின் தொழில் துறை உற்பத்தி மேம்பட்டு, பொருளாதார வளர்ச்சியில் மேலும் முன்னேற்றம் ஏற்படும் என்று ஆய்வாளர்கள் தெரிவித்துள்ளனர்.
மாருதி சுசுகி
மாருதி சுசுகி இந்தியா, நாட்டில் கார்கள் தயாரிப்பு மற்றும் விற்பனையில் முதலிடத்தில் உள்ளது. நடப்பு ஆண்டு ஜனவரி மாதத்தில், இந்நிறுவனத்தின் கார்கள் விற்பனை ஒட்டுமொத்தத்தில் சென்ற ஆண்டின் இதே மாதத்தைக் காட்டிலும் 33.3 சதவீதம் உயர்ந்து 95,649 என்ற எண்ணிக்கைகளாக அதிகரித்துள்ளது. அம்மாதத்தில், இந்நிறுவனம் 14,562 கார்களை ஏற்றுமதி செய்துள்ளது.
இந்நிறுவனத்தின், ஆல்டோ, வேகன்ஆர், ஸென், ஸ்விஃப்ட், ரிட்ஸ் மற்றும் ஏ&ஸ்டார் ஆகிய வகை கார்கள் விற்பனை 24.8 சதவீதம் உயர்ந்துள்ளது.
நடப்பு நிதி ஆண்டின் முதல் 10 மாதங்களில், இந்நிறுவனத்தின் கார்கள் விற்பனை, சென்ற நிதி ஆண்டின் இதே காலத்தைக் காட்டிலும் 31.8 சதவீதம் உயர்ந்து 8,26,592&ஆக அதிகரித்துள்ளது.
ஹ¨ண்டாய் மோட்டார்
இந்தியாவில், கார்கள் ஏற்றுமதியில் முதலிடத்திலும், தயாரிப்பில் இரண்டாவது இடத்திலும் உள்ள ஹ¨ண்டாய் மோட்டார் இந்தியா நிறுவனத்தின் கார்கள் விற்பனையில் சென்ற ஜனவரி மாதத்தில் விறுவிறுப்பு ஏற்பட்டுள்ளது. உள்நாட்டில் இந்நிறுவனத்தின் கார்கள் விற்பனை 40.8 சதவீதம் (21,016 எண்ணிக்கைகள்) அதிகரித்து 29,601&ஆக உயர்ந்துள்ளது.
கடந்த 1998&ஆம் ஆண்டு செப்டம்பர் மாதத்தில் இந்நிறுவனம் சான்ட்ரோ காரை அறிமுகம் செய்தது. அதனையடுத்து, அவ்வாண்டில் இந்நிறுவனத்தின் ஒட்டுமொத்த கார்கள் விற்பனை ஓரளவிற்கு அதிகரித்திருந்தது. அதன் பிறகு, சென்ற ஜனவரி மாதத்தில்தான் இந்நிறுவனத்தின் கார்கள் விற்பனை 29,600 என்ற எண்ணிக்கையைத் தாண்டியுள்ளது என்பது குறிப்பிடத்தக்கது.
ஏற்றுமதி
சென்ற ஜனவரி மாதத்தில், இந்நிறுவனம் 23,034 கார்களை ஏற்றுமதி செய்துள்ளது. 2009&ஆம் ஆண்டு ஜனவரி மாதத்துடன் (16,155) ஒப்பிடும்போது ஏற்றுமதியில் 42.60 சதவீதம் வளர்ச்சி ஏற்பட்டுள்ளது.
சென்ற ஜனவரி மாதத்தில் இந்நிறுவனம், உள்நாடு மற்றும் ஏற்றுமதி ஆகிய இரண்டு வகையிலுமாக 52,635 கார்களை விற்பனை செய்துள்ளது. கடந்த ஆண்டு ஜனவரி மாதத்துடன் ஒப்பிடும்போது இது 41.60 சதவீதம் அதிகமாகும்.
இது குறித்து ஹ¨ண்டாய் மோட்டார் இந்தியா நிறுவனத்தின் இயக்குனர் (சந்தைப்படுத்துதல் மற்றும் விற்பனை) அரவிந்த் சக்சேனா கூறும்போது, Òகடந்த 2008&ஆம் ஆண்டு செப்டம்பர் மாதத்தில், உலக அளவில் ஏற்பட்ட பொருளாதார பின்னடைவை எதிர்கொள்ளும் வகையில், மத்திய அரசு மூன்று முறை சலுகை திட்டங்களை அறிவித்தது. பாரத ரிசர்வ் வங்கியும், வீடு மற்றும் வாகன கடன்களுக்கான வட்டி விகிதங்களை குறைக்கும் வகையில் நடவடிக்கைகளை மேற்கொண்டது. இதுபோன்ற காரணங்களால், மோட்டார் வாகனங்கள் விற்பனையில் விறுவிறுப்பு ஏற்பட்டு வருகிறது. நடப்பு ஆண்டு தொடக்கத்தில் நிறுவனத்தின் கார்கள் விற்பனையில் உள்நாட்டில் ஒரு திருப்புமுனை ஏற்பட்டுள்ளதுÓ என்று தெரிவித்தார்.
இரு சக்கர வாகனங்கள்
இரு சக்கர வாகனங்கள் தயாரிப்பு மற்றும் விற்பனையில் ஈடுபட்டு வரும் டி.வி.எஸ். மோட்டார் கம்பெனி, நடப்பு ஆண்டு ஜனவரி மாதத்தில் 1,25,578 இரு சக்கர வாகனங்களை விற்பனை செய்துள்ளது. சென்ற 2009&ஆம் ஆண்டு ஜனவரி மாதத்துடன் ஒப்பிடும்போது, இவற்றின் விற்பனையில் 34 சதவீதம் (93,729 எண்ணிக்கைகள்) வளர்ச்சி ஏற்பட்டுள்ளது.
உள்நாட்டில் இந்நிறுவனத்தின் இரு சக்கர வாகனங்கள் விற்பனை 37.3 சதவீதம் உயர்ந்து 79,729 என்ற எண்ணிக்கையிலிருந்து 1,09,504&ஆக அதிகரித்துள்ளது. இதே மாதத்தில், இந்நிறுவனத்தின் இரு சக்கர வாகனங்கள் ஏற்றுமதி 15 சதவீதம் அதிகரித்து 16,074&ஆக வளர்ச்சி கண்டுள்ளது. நடப்பு நிதி ஆண்டின் முதல் 10 மாதங்களில், இரு சக்கர வாகனங்கள் விற்பனை 11,00,453 என்ற எண்ணிக்கையிலிருந்து 12,34,632&ஆக உயர்ந்துள்ளது.
நடப்பு ஆண்டு ஜனவரி மாதத்தில், டி.வி.எஸ். மோட்டார் கம்பெனியின் மூன்று சக்கர வாகனங்கள் விற்பனை, சென்ற ஆண்டின் இதே மாதத்தைக் காட்டிலும் (466 எண்ணிக்கைகள்) சுமார் நான்கு மடங்கு அதிகரித்து 1,710&ஆக உயர்ந்துள்ளது.
மகிந்திரா & மகிந்திரா
சென்ற ஜனவரி மாதத்தில், மகிந்திரா & மகிந்திரா நிறுவனத்தின் மோட்டார் வாகனங்கள் விற்பனை இதுவரை கண்டிராத வகையில் 67.4 சதவீதம் அதிகரித்து 17,320 என்ற எண்ணிக்கையிலிருந்து 28,988&ஆக உயர்ந்துள்ளது. இந்நிறுவனத்தின் மூன்று சக்கர வாகனங்கள், இலகு ரக வாகனங்கள் ஆகியவற்றின் விற்பனையிலும் எழுச்சி ஏற்பட்டுள்ளது.
இது குறித்து இந்நிறுவனத்தின் தலைவர் (மோட்டார் வாகனப் பிரிவு) பவான் கோயங்கா தெரிவிக்கையில், Òநிறுவனத்தின் தயாரிப்புகள் தரத்தில் சிறந்து விளங்குகின்றன. இந்நிலையில், நாட்டில் வாகன கடனிற்கான வட்டி விகிதம் குறைவாக இருப்பது, வாகனங்கள் விற்பனைக்கு வலுச் சேர்ப்பதாக அமைந்துள்ளதுÓ என்று கூறினார்.

ஐ.டி.சி. நிறுவனம்

பல்வேறு மாற்று தொழில் நடவடிக்கைகளில் ஈடுபட்டு வரும் ஐ.டி.சி. நிறுவனத்தின் செயல்பாடு சிறப்பாக உள்ளது. நீண்ட கால முதலீட்டிற்கு இதன் பங்குகள் ஏற்றவை.

கிரண் காப்தா சோம்வான்ஷி
இக்கனாமிக் டைம்ஸ் ஆய்வு பிரிவு
ஐ.டி.சி. நிறுவனம், சிகரெட், நுகர்பொருள்கள், ஹோட்டல்கள், காகிதம் மற்றும் அட்டைகள், வேளாண் பொருள்கள் என பல்வேறு வர்த்தக நடவடிக்கைகளில் ஈடுபட்டு வருகிறது.
நாட்டில் சிகரெட் வர்த்தகத்திற்கு அதிக எதிர்ப்பு இருந்து வருகிறது. இதனை கருத்தில் கொண்டு, இந்நிறுவனம் இதர பிரிவுகளின் வாயிலான வணிகத்திற்கு அதிக முக்கியத்துவம் அளித்து வருகிறது. இருப்பினும், இந்நிறுவனத்தின் மொத்த வருவாயில், சிகரெட் வர்த்தகத்தின் வாயிலான வருவாய் 45 சதவீத அளவிற்கும், நிகர லாபத்தில் 85 சதவீத அளவிற்கும் உள்ளது. இப்பிரிவு, ஆண்டுக்கு 9&10 சதவீத அளவிற்கு வளர்ச்சி கண்டு வருகிறது.
உணவு பொருள்கள்
இந்நிறுவனத்தின் நுகர்பொருள்கள் பிரிவு, கடந்த ஒரு சில ஆண்டுகளாக இழப்பை கண்டு வருகிறது. இருப்பினும், அளவின் அடிப்படையிலான வர்த்தகம் அதிகரித்து வருவதால், நீண்ட கால அடிப்படையில் இப்பிரிவின் வாயிலான வருவாய் மேம்படும் என்று எதிர்பார்க்கப்படுகிறது. குறிப்பாக, பாக்கெட்டுகளில் அடைத்து விற்பனை செய்யப்படும் உணவுப் பொருள்கள், ஆரோக்கிய பராமரிப்பு பொருள்கள் போன்றவற்றின் வாயிலான வருவாய் நல்ல அளவில் அதிகரித்து வருகிறது.
அண்மையில், இந்நிறுவனம் அதன் நுகர்பொருள்களின் விலையை உயர்த்தியது. இதனால், லாப வரம்பு மேம்பட்டுள்ளதுடன், வரும் ஆண்டுகளில் இப்பிரிவின் வாயிலான இழப்பும் குறைந்துவிடும் என்ற மதிப்பீடும் உள்ளது.
ஹோட்டல் வர்த்தகம்
ஐ.டி.சி. நிறுவனத்தின் ஹோட்டல் பிரிவு தற்பொழுது மேம்பட்டு வருகிறது. சர்வதேச அளவில் ஏற்பட்ட பொருளாதார சுணக்கநிலையால், விருந்தோம்பல் துறையில் மந்தநிலை ஏற்பட்டு இருந்தது. தற்போது, இத்துறை முன்னேற்ற பாதைக்கு திரும்பி வருகிறது. நிறுவனத்தின் ஹோட்டல்களில் தங்குவோரின் எண்ணிக்கை 60 சதவீதம் என்ற அளவில் உள்ளது. இந்த நிலையில், இந்நிறுவனம் ஹோட்டல் அறைகளுக்கான கட்டணத்தை 15&20 சதவீதம் உயர்த்தி உள்ளது. இதனால், இப்பிரிவின் வாயிலான வருவாயும் படிப்படியாக உயர்ந்து வருகிறது.
இவ்வாண்டு நடைபெற உள்ள காமன்வெல்த் விளையாட்டு போட்டிகள் மற்றும் 2011&ஆம் ஆண்டில் நடைபெற உள்ள உலக கோப்பை கிரிக்கெட் போட்டிகள் போன்றவற்றால், இந்நிறுவனத்தின் ஹோட்டல் அறைகளில் தங்குவோரின் எண்ணிக்கை மேலும் அதிகரிக்கும் என மதிப்பிடப்பட்டுள்ளது. இதனால், இந்நிறுவனத்தின் வருவாய் குறிப்பிடத்தக்க அளவிற்கு வளர்ச்சி காணும்.
ஐ.டி.சி. நிறுவனத்தின் காகிதம், காகித அட்டைகள் மற்றும் பேக்கேஜிங் உள்ளிட்ட பொருள்கள் தயாரிக்கும் பிரிவும் சிறப்பான அளவில் மேம்பட்டு வருகிறது. இதனை கருத்தில் கொண்டு, இந்நிறுவனம் இப்பிரிவில் அதிக அளவில் முதலீடு மேற்கொண்டுள்ளது. இதனால், இந்நிறுவனத்தின் காகித கூழ் உற்பத்தி திறன் இரண்டு மடங்கு அதிகரிக்கும் என எதிர்பார்க்கப்படுகிறது. நிறுவனத்தின் வேளாண் வணிக பிரிவும் நல்ல அளவில் செயல்பட்டு வருகிறது.
நிதி நிலை
ஐ.டி.சி. நிறுவனத்தின் ஒட்டுமொத்த நிகர விற்பனை, கடந்த ஐந்து ஆண்டுகளாக, ஆண்டுக்கு 19 சதவீதம் என்ற அளவில் வளர்ச்சி கண்டு வருகிறது. சென்ற 2008&09&ஆம் நிதி ஆண்டில், இந்நிறுவனத்தின் நிகர விற்பனை ரூ.16,500 கோடியாக இருந்தது. மேலும், இந்நிறுவனத்தின் ஒட்டுமொத்த நிகர லாபமும் ஆண்டுக்கு 16 சதவீதம் என்ற அளவில் வளர்ச்சி கண்டு, சென்ற நிதி ஆண்டில் ரூ.3,300 கோடியாக உயர்ந்திருந்தது.
இந்நிறுவனம், அதன் பங்குதாரர்களுக்கு சிறப்பான அளவில் டிவிடெண்டு வழங்கி வருகிறது. இதே காலத்தில், இந்நிறுவனம் வழங்கும் ஒட்டுமொத்த டிவிடெண்டு ஆண்டுக்கு 23 சதவீதம் என்ற அளவில் உயர்ந்து வருகிறது.
ஐ.டி.சி. நிறுவனத்தின் பங்கு ஒன்று தற்பொழுது ரூ.250 என்ற அளவில் விலை போய்க் கொண்டுள்ளது. இது, இந்நிறுவனத்தின் ஒரு பங்கு சம்பாத்தியத்துடன் ஒப்பிடும்போது 25 மடங்குகள் என்ற அளவில் உள்ளது. இந்நிறுவனத்தின் நிகர விற்பனையுடன் ஒப்பிடும்போது, இதன் பங்குகளின் சந்தை மதிப்பு ஆறு மடங்குகளுக்கும் அதிகமாக உள்ளது. அதேசமயம், நுகர்பொருள்கள் வணிகத்தில் ஈடுபட்டு வரும் இதர நிறுவனங்களின் பங்குகளின் சந்தை மதிப்பு குறைவாகவே உள்ளது.
பரிந்துரை
நிறுவனம், புகையிலை தொடர்பான வர்த்தக நடவடிக்கைகளை குறைத்துக் கொண்டு, இதர வணிக நடவடிக்கைகளுக்கு முக்கியத்துவம் அளிக்கத் தொடங்கியுள்ளது.
மேற்கண்டவற்றையெல்லாம் வைத்து பார்க்கையில், இந்நிறுவனத்தின் பங்குகளில் நீண்ட கால அடிப்படையில் முதலீடு செய்யலாம்.

அசோக் லேலண்டு நிகர லாபம் 450% வளர்ச்சி

இக்கனாமிக் டைம்ஸ் செய்தி பிரிவு
சென்னை
இந்துஜா குழுமத்தின் முன்னணி நிறுவனங்களுள் ஒன்றான அசோக் லேலண்டு, சென்ற டிசம்பர் மாதத்துடன் நிறைவடைந்த மூன்றாவது காலாண்டில் ரூ.104.63 கோடியை நிகர லாபமாக ஈட்டியுள்ளது. இது, சென்ற நிதி ஆண்டின் இதே காலாண்டை விட 450 சதவீதம் (ரூ.18.86 கோடி) அதிகமாகும்.
இதே காலாண்டுகளில், இந்நிறுவனத்தின் நிகர விற்பனை 81 சதவீதம் அதிகரித்து ரூ.1,004.49 கோடியிலிருந்து ரூ.1,815.53 கோடியாக உயர்ந்துள்ளது.
நடப்பு நிதி ஆண்டின் முதல் ஒன்பது மாத காலத்தில், நிறுவனத்தின் நிகர லாபம் 47 சதவீதம் வளர்ச்சி கண்டு ரூ.136.68 கோடியிலிருந்து ரூ.201.01 கோடியாக உயர்ந்துள்ளது. இருப்பினும், இதே காலத்தில் இந்நிறுவனத்தின் நிகர விற்பனை 10 சதவீதம் குறைந்து ரூ.4,762.95 கோடியிலிருந்து ரூ.4,305.67 கோடியாக குறைந்துள்ளது.
வாகனங்கள் விற்பனை
சென்ற மூன்றாவது காலாண்டில், நிறுவனத்தின் வாகனங்கள் விற்பனை 101 சதவீதம் வளர்ச்சி கண்டு 8,011 என்ற எண்ணிக்கையிலிருந்து 16,129&ஆக அதிகரித்துள்ளது. இதே காலாண்டுகளில், நிறுவனத்தின் வாகன பாகங்கள் விற்பனையும் 91 சதவீதம் அதிகரித்துள்ளது.
சென்ற நிதி ஆண்டில், சர்வதேச அளவில் ஏற்பட்ட பொருளாதார நெருக்கடியால் வாகனங்கள் விற்பனையில் கடும் வீழ்ச்சி ஏற்பட்டது. ஆனால், நடப்பு நிதி ஆண்டில் நாட்டின் மோட்டார் வாகனங்கள் துறையில் மீண்டும் முன்னேற்றம் ஏற்படத் தொடங்கியுள்ளது. இதனால்தான் நிறுவனத்தின் வாகனங்கள் விற்பனையும், நிதி நிலை செயல்பாடும் மேம்பட்டுள்ளது என இந்நிறுவனத்தின் நிர்வாக இயக்குனர் ஆர்.சேஷசாயி தெரிவித்தார்.
நிறுவனத்தின் வாகனங்கள் விற்பனையில் எழுச்சி ஏற்பட்டுள்ள அதே நேரத்தில், இதே காலாண்டுகளில் நிறுவனத்தின் சிறந்த நிர்வாக நடவடிக்கைகளால், நிதிச் செலவினம் ரூ.39.40 கோடியிலிருந்து ரூ.16.21 கோடியாக குறைந்துள்ளது என சேஷசாயி மேலும் கூறினார்.

உணவு பொருள்கள் விலை குறையும்
மத்திய வேளாண் அமைச்சர் சரத்பவார் நம்பிக்கை


உணவு பொருள்களின் விலை படிப்படியாக குறையும் என மத்திய வேளாண் அமைச்சர் சரத்பவார் தெரிவித்துள்ளார்.
நாட்டின் பல முக்கிய மாநிலங்களில், ரபி பருவத்தில் பருப்பு வகைகள், கரும்பு, கோதுமை மற்றும் நெல் போன்றவற்றின் உற்பத்தி மேம்படும் என மதிப்பிடப்பட்டுள்ளது. இதன் காரணமாக, இப்பொருள்களின் விலை குறையும் என அமைச்சர் தெரிவித்தார்.
நெல் கொள்முதல்
ஜனவரி 20&ந் தேதி வரையிலுமாக 1.93 கோடி டன் நெல் கொள்முதல் செய்யப்பட்டுள்ளது. இது, சென்ற ஆண்டின் இதே காலத்தில் கொள்முதல் செய்யப்பட்ட 1.98 கோடி டன்னை விட சற்று குறைவாக உள்ளது. என்றாலும், போதிய அளவிற்கு உணவு தானியங்கள் கையிருப்பில் உள்ளது. எனவே, அத்தியாவசிய பொருள்களின் விலை இனி குறையத் தொடங்கும் என அவர் குறிப்பிட்டார்.
அவர் மேலும் கூறுகையில், Òஉணவு பொருள்கள் விலை படிப்படியாக குறையத் தொடங்கி உள்ளது. விலை குறைவு என்பது மிகவும் குறைவாகத்தான் உள்ளது. பருப்பு வகைகள், சர்க்கரை போன்றவற்றின் விலை கிலோவுக்கு ரூ.2&3 அளவிற்கு குறைந்துள்ளது. இவற்றின் விலை மேலும் குறையத் தொடங்கும். குறிப்பாக, சர்வதேச முன்பேர வர்த்தக சந்தையில் சர்க்கரையின் விலை குறையத் தொடங்கி உள்ளது. கடந்த ஒரு சில தினங்களுக்கும் முன்பாக, மொத்த விலை சந்தையில் ஒரு குவிண்டால் ரூ.4,000 என்ற அளவில் இருந்த சர்க்கரையின் விலை தற்போது ரூ.3,600&ஆக குறைந்துள்ளது. இனி, சில்லரை விற்பனை மையங்களிலும் இதன் விலை குறையத் தொடங்கும்Ó என்று தெரிவித்தார்.
உள்நாட்டுத் தேவையை பூர்த்தி செய்யும் வகையில், மத்திய அரசு, வெளிநாடுகளில் இருந்து அதிக அளவில் பருப்பு வகைகளை இறக்குமதி செய்து வருகிறது. இருப்பினும், சர்வதேச சந்தைகளில் இவற்றின் விலை அதிகமாக இருப்பதால்தான், உள்நாட்டு சந்தைகளிலும் இவற்றின் விலை அதிகமாக உள்ளது.
பருப்பு வகைகள்
எம்.எம்.டி.சி. மற்றும் எஸ்.டி.சி. ஆகிய அமைப்புகள், பருப்பு வகைகளை இறக்குமதி செய்து வருகின்றன. மத்திய அரசுக்கு ஒரு கிலோ பருப்பு விற்பனையின் வாயிலாக ரூ.50 இழப்பு ஏற்படுகிறது. இவ்வகையில், ஒட்டுமொத்தமாக அரசுக்கு ரூ.400 கோடி இழப்பு ஏற்படுகிறது. பொது நலன் கருதி, மத்திய அரசு தனியார் துறை நிறுவனங்களும் பருப்பு வகைகளை இறக்குமதி செய்ய அனுமதி அளித்துள்ளது.
சர்க்கரை, பருப்பு வகைகள் போன்றவற்றின் விலை உயர்வால், மாதச் சம்பளம் வாங்குவோர் மற்றும் சாதாரண மக்கள் வெகுவாக பாதிப்படைந்துள்ளனர் என்பதை அரசு உணர்ந்துள்ளது என பவார் தெரிவித்தார்.
கடந்த 2009&ஆம் ஆண்டு ஜனவரி மாதத்தில் இருந்து, இதுவரையிலுமாக சர்க்கரை விலை இரண்டு மடங்கு அதிகரித்துள்ளது. தற்போது டெல்லி வெளிச் சந்தையில் ஒரு கிலோ சர்க்கரை ரூ.43 என்ற அளவிலும், துவரம் பருப்பு ஒரு கிலோ ரூ.85 என்ற அளவிலும் விலை போய்க் கொண்டுள்ளது.
சர்க்கரை உற்பத்தி
கரும்பு சாகுபடியில் போதிய அளவிற்கு வருமானம் கிடைக்கவில்லை என்பதால், பல விவசாயிகள் இதர பயிர்கள் சாகுபடிக்கு மாறினர். ஆனால், தற்பொழுது மகாராஷ்டிர மாநிலத்தில் பல விவசாயிகள் மீண்டும் அதிக பரப்பளவில் கரும்பு சாகுபடி செய்ய தொடங்கி உள்ளனர். பொதுவாக, சர்க்கரை துறையில், ஐந்து ஆண்டுகளுக்கு ஒரு முறை ஏற்ற இறக்கம் ஏற்படுகிறது. இதனால், 2 ஆண்டுகளுக்கு நுகர்வோருக்கும், மூன்று ஆண்டுகளுக்கு கரும்பு சாகுபடியாளர்களுக்கும் பாதிப்பு ஏற்படுகிறது. உலக அளவில், சர்க்கரை உற்பத்தியில் முன்னணியில் உள்ள பிரேசில் நாட்டில், கரும்பு உற்பத்தி அதிகரித்துள்ளது. இக்கரும்புகள் கூடிய விரைவில் ஆலைகளுக்கு வரும் நிலையில், சர்வதேச சந்தையில் சர்க்கரையின் விலை குறையத் தொடங்கும் என எதிர்பார்க்கிறோம் என்று அமைச்சர் மேலும் கூறினார்.

பவர் பைனான்ஸ்

வெளிநாட்டு வணிக கடன் மூலம் ரூ.1,380 கோடி திரட்டுகிறது


இக்கனாமிக் டைம்ஸ் செய்தி பிரிவு
புதுடெல்லி
பொதுத் துறையைச் சேர்ந்த பவர் ஃபைனான்ஸ் கார்ப்பரேஷன் (பி.எஃப்.சி) நிறுவனம், வெளிநாட்டு வணிக கடன்கள் வாயிலாக ரூ.1,380 கோடி திரட்ட திட்டமிட்டுள்ளது.
நாட்டில் மின் உற்பத்தியில் ஈடுபட்டு வரும் நிறுவனங்களுக்கு நிதி உதவி அளித்து வரும் இந்நிறுவனம், மேற்கண்ட தொகையை இவ்வாண்டு மார்ச் மாதம் 31&ந் தேதிக்குள் திரட்டும் என இந்நிறுவனத்தின் இயக்குனர் (நிதி மற்றும் நிதி செயல்பாடுகள்) ஆர்.நாகராஜன் தெரிவித்தார்.
பி.எஃப்.சி. நிறுவனம், வெளிநாட்டு வணிக கடன்கள் மூலம் நிதி திரட்ட, பாரத ரிசர்வ் வங்கியிடமிருந்து ஒப்புதல் பெற்றுள்ளது. இதற்கான அனுமதி காலம் மார்ச் 31&ந் தேதியுடன் நிறைவடைகிறது.
இந்நிறுவனம், நடப்பு நிதி ஆண்டில் பல்வேறு வழிமுறைகள் வாயிலாக ரூ.21,000 கோடியை திரட்ட திட்டமிட்டிருந்து. இதில், இதுவரை ரூ.16,000 கோடி திரட்டப்பட்டுள்ளது என்பது குறிப்பிடத்தக்கது.
இதற்கிடையே, இந்நிறுவனம், சென்ற டிசம்பர் மாதத்துடன் நிறைவடைந்த காலாண்டில் ரூ.563.60 கோடியை லாபமாக ஈட்டியுள்ளது. இது, சென்ற நிதி ஆண்டின் இதே காலாண்டை விட 66 சதவீதம் (ரூ.338.90 கோடி) அதிகமாகும்.
மூன்றாவது காலாண்டில், இந்நிறுவனம் ரூ.15,355 கோடியை கடனாக வழங்கி உள்ளது. இது, சென்ற ஆண்டு இதே காலாண்டில் ரூ.14,101 கோடியாக இருந்தது.

எஸ்ஸார் ஸ்டீல்
உருக்கு உற்பத்தி திறனை உயர்த்த ரூ.10,000 கோடி செலவிட திட்டம்


இக்கனாமிக் டைம்ஸ் செய்தி பிரிவு
ஐதராபாத்
உருக்கு உற்பத்தியில் முன்னணி நிறுவனங்களுள் ஒன்றான எஸ்ஸார் ஸ்டீல், அதன் உருக்கு உற்பத்தி திறனை அதிகரிக்கும் வகையில் 250 கோடி டாலர் (சுமார் ரூ.10,000 கோடி) முதலீடு மேற்கொள்ள திட்டமிட்டுள்ளது. இத்தகவலை, இந்நிறுவனத்தின் செயல் இயக்குனர் (விற்பனை மற்றும் சந்தைப்படுத்துதல்) விக்ரம் அமின் அண்மையில் வெளியிட்டார்.
46 லட்சம் டன்
எஸ்ஸார் ஸ்டீல் நிறுவனம் பல்வேறு விரிவாக்க திட்டங்களை மேற்கொண்டு வருகிறது. தற்போது இந்நிறுவனத்தின் உருக்கு உற்பத்தி திறன் 46 லட்சம் டன்னாக உள்ளது. இதனை ஒரு கோடி டன்னாக அதிகரிக்கும் வகையில் பெரும் முதலீடுகளை மேற்கொள்ள உள்ளது.
எஸ்ஸார் ஸ்டீல் நிறுவனத்தின் டீலர்கள் Ôஎக்ஸ்பிரஸ் மார்ட்ஸ்Õ மற்றும் Ôஎக்ஸ்பிரஸ் பாயிண்ட்ஸ்Õ என்ற விற்பனை மையங்களை நிர்வகித்து வருகின்றனர். இவற்றின் வாயிலாக அதன் விநியோக ஒருங்கிணைப்பு வசதிகளையும் விரிவுபடுத்த இந்நிறுவனம் முடிவு செய்துள்ளது.
எஸ்ஸார் ஸ்டீல் நிறுவனம் நாடு முழுவதுமாக 300 விற்பனை நிலையங்களை உரிமக் கிளை அடிப்படையில் நிர்வகித்து வருகிறது. இதனை 500&ஆக அதிகரிக்க இலக்கு நிர்ணயம் செய்துள்ளது. சொந்தமாக 85 ஹைபர்மால்களைக் கொண்டுள்ள இந்நிறுவனம் இதனை 150&ஆக உயர்த்தவும் உத்தேசித்துள்ளது. ஆந்திர மாநிலத்தில், சில்லரை விற்பனைக்கான விநியோக வசதிகளை 50 சதவீதம் விரிவுபடுத்த திட்டமிட்டுள்ளது.
விநியோக ஒருங்கிணைப்பு
இந்த விநியோக ஒருங்கிணைப்பு வசதி வாயிலாக, நடப்பு நிதி ஆண்டுக்குள் உருக்குப் பொருள்கள் விற்பனையை ஒரு கோடி டன்னாக அதிகரிக்கும் வகையில் நடவடிக்கை மேற்கொண்டு வருகிறது. அடுத்த மாதம் உருக்கு குழாய்களை அறிமுகம் செய்ய உள்ளதாக எஸ்ஸார் ஹைபர்மார்ட் நிறுவனத்தின் தலைமை செயல் அதிகாரி கிரீஷ் ராவ் கூறினார்.

சுபெக்ஸ் நிறுவனம்

நிறுவனத்தின் செயல்திறன் நன்கு உள்ளது. நீண்ட கால அடிப்படையில் இதன் பங்குகளில் முதலீடு செய்யலாம்.


ரஞ்சித் ஷிண்டே
இக்கனாமிக் டைம்ஸ் ஆய்வு பிரிவு
பெங்களூரில் தலைமை அலுவலகத்தைக் கொண்டு செயல்பட்டு வரும் சுபெக்ஸ் நிறுவனம், சர்வதேச தொலை தொடர்புச் சேவை நிறுவனங்களுக்கு தகவல் தொழில்நுட்பத் தீர்வுகளை அளித்து வருகிறது.
வர்த்தகம்
சுபெக்ஸ் நிறுவனம், சென்ற நிதி ஆண்டில் ரூ.600 கோடி வருவாய் ஈட்டி உள்ளது. இதில், தகவல் தொழில்நுட்ப தீர்வுகள் வாயிலாக ஈட்டப்படும் வருவாயின் அளவு 10 சதவீதம் என்ற அளவில் குறைவாக உள்ளது. அதேசமயம், இச்சேவைதான் அதிக லாபத்தை ஈட்டித் தரக்கூடியது ஆகும். எனவே, இச்சேவையில் தீவிரமாக ஈடுபட இந்நிறுவனம் முடிவு செய்துள்ளது.
வாடிக்கையாளர்கள்
சுபெக்ஸ் நிறுவனத்திற்கு அதிக வாடிக்கையாளர்கள் உள்ளனர். சர்வதேச அளவில் தலைசிறந்து விளங்கும் 70 தொலை தொடர்புச் சேவை நிறுவனங்களில், 35&க்கும் மேற்பட்ட நிறுவனங்களுக்கு சுபெக்ஸ் நிறுவனம் தகவல் தொழில்நுட்பத் தீர்வுகளை அளித்து வருகிறது. ரிலையன்ஸ் கம்யூனிகேஷன்ஸ், பீ.எஸ்.என்.எல்., வோடாபோன், காம்காஸ்ட், டிமொபைல், டெலிஃபோனிக்கா, வெரிசோன் உள்ளிட்ட முன்னணி நிறுவனங்களை வாடிக்கையாளர்களாகக் கொண்டுள்ளது. இந்நிறுவனத்திற்கு உள்நாட்டிலும், அமெரிக்கா ஆப்பிரிக்கா ஆகிய நாடுகளிலும் வாடிக்கை நிறுவனங்கள் உள்ளன. இந்நிறுவனத்தில் 1,200 பேர் பணிபுரிந்து வருகின்றனர். சென்ற ஐந்து ஆண்டுகளில் இந்நிறுவனம், நான்கு நிறுவனங்களை கையகப்படுத்தி உள்ளது.
நிதி நிலை
கடந்த 2003&04 மற்றும் 2006&07&ஆம் நிதி ஆண்டுகளுக்கிடையில் இந்நிறுவனத்தின் வருவாயும், நிகர லாபமும் நான்கு மடங்கு அதிகரித்து இருந்தது. இந்நிலையில், உலக அளவில் ஏற்பட்ட நெருக்கடியால், சென்ற 2 நிதி ஆண்டுகள் இந்நிறுவனத்திற்கு ஒரு சவாலாக அமைந்தது. இந்த நிதி ஆண்டுகளில், வருவாய் அதிகரித்துள்ள நிலையில், செயல்பாடுகளில் இழப்பைக் கண்டு வந்தது.
சென்ற டிசம்பர் மாதத்துடன் நிறைவடைந்த, மூன்றாவது காலாண்டில் இந்நிறுவனம் லாபம் ஈட்டியுள்ளது. இந்நிறுவனம், அன்னியச் செலாவணியில் பங்குகளாக மாறக்கூடிய கடன்பத்திரங்கள் வாயிலாக நிதி திரட்டி இருந்தது. இதனை மறு சீரமைப்பு செய்துள்ளதால், இந்நிறுவனத்தின் வட்டிச் சுமை 24 சதவீதம் குறைந்துள்ளது.
மதிப்பீடு
தற்போது, இந்நிறுவனப் பங்கின் விலை ரூ.66 என்ற அளவில் உள்ளது. வரும் 2010&11&ஆம் நிதி ஆண்டிற்கு மதிப்பீடு செய்யப்பட்டுள்ள ஒரு பங்குச் சம்பாத்தியத்துடன் ஒப்பிடும்போது, பங்கின் விலை 6.7 மடங்குகள் என்ற அளவில்தான் உள்ளது.
மேற்கண்டவற்றையெல்லாம் வைத்து பார்க்கையில், நீண்ட கால அடிப்படையில் இதன்பங்குகளில் முதலீடு செய்யலாம்.


அகண்ட அலைவரிசை இணைப்பு 78.30 லட்சம்
டிராய் அமைப்பு தகவல்

இக்கனாமிக் டைம்ஸ் செய்தி பிரிவு
புதுடெல்லி
சென்ற டிசம்பர் மாதம் வரையில் அகண்ட அலைவரிசை சேவையைப் பெற்றுள்ள வாடிக்கையாளர்களின் எண்ணிக்கை 78.30 லட்சமாக உயர்ந்துள்ளது. இது, நவம்பர் மாதத்தில் 75.70 லட்சமாக இருந்தது. ஆக, சென்ற மாதத்தில் வாடிக்கையாளர்களின் எண்ணிக்கை 3.56 சதவீதம் வளர்ச்சி கண்டுள்ளது.
டிசம்பர் மாதத்தில் சாதாரண தொலைபேசி (லேண்டுலைன்) இணைப்புகளின் எண்ணிக்கை 3.70 கோடியாக குறைந்துள்ளது. இது, முந்தைய நவம்பர் மாதத்தில் 3.71 கோடியாக இருந்தது. செல்போன் பயன்பாடு அசுர வளர்ச்சி கண்டு வருவதால் சாதாரண தொலைபேசி இணைப்புகளை சரண் செய்வது அதிகரித்து வருகிறது.
தற்போது நாட்டின் அனைத்து முக்கிய நகரங்களிலும் தொலைபேசி பயன்பாடு 100 சதவீதத்தை தாண்டியுள்ளது. தேசிய அளவில் செல்போன் பயன்பாடு சுமார் 48 சதவீதமாகவும், சாதாரண தொலைபேசி பயன்பாடு 3.16 சதவீதமாகவும் உள்ளது.

பங்குச் சந்தைகளில் கடும் ஏற்றத் தாழ்வுகள்
புதிய பங்கு வெளியீடுகளுக்கு போதிய ஆதரவு கிடைக்குமா?

தீப்தா ராஜ்குமார்
மும்பை
பங்குச் சந்தைகளில் தற்போது கடும் ஏற்றத் தாழ்வுகள் நிலவுகின்றன. இதனால் புதிய பங்கு வெளியீடுகளுக்கு ஆதரவு கிடைக்குமா என்ற கேள்வி எழுந்துள்ளது. கடந்த 2008&ஆம் ஆண்டில், பங்கு வர்த்தகத்தில் கடும் சரிவு ஏற்பட்டது. அப்போது, மூலதனச் சந்தையில் களமிறங்கிய பல நிறுவனங்கள் பங்கின் வெளியீட்டு விலையைக் குறைப்பது மற்றும் பங்கு வெளியீட்டு காலத்தை அதிகரிப்பது போன்ற நடவடிக்கைகளில் இறங்கின.
அக்வா லாஜிஸ்டிக்ஸ்
இந்நிலையில், நடப்பு ஆண்டில், மும்பையைச் சேர்ந்த அக்வா லாஜிஸ்டிக்ஸ், முதன் முதலாக இவ்வகை பாதிப்புக்கு உள்ளாகி இருப்பதாக தெரிய வந்துள்ளது. இந்நிறுவனம் ஜனவரி 25&ந் தேதி அன்று அதன் பங்கு வெளியீட்டை தொடங்கியது. 28&ந் தேதி மாலை 5 மணி நிலவரப்படி 55 சதவீத அளவிற்கே முதலீட்டாளர்களிடம் இருந்து விண்ணப்பங்கள் வந்துள்ளன. தகுதி வாய்ந்த நிதி நிறுவனங்கள் 10 சதவீத அளவிற்கே விண்ணப்பித்துள்ளன என தகவலறிந்த வட்டாரங்கள் தெரிவித்தன.
சரக்குப் போக்குவரத்து சேவையில் ஈடுபட்டு வரும் அக்வா லாஜிஸ்டிக்ஸ் ரூ.150 கோடியை திரட்டிக் கொள்ளும் நோக்கத்துடன் மூலதனச் சந்தையில் இறங்கியுள்ளது. பங்கு வெளியீட்டுக்கு போதிய வரவேற்பு இல்லாத நிலையில் இந்நிறுவனம் வெளியீட்டு காலத்தை பிப்ரவரி மாதம் 2&ந் தேதி வரை நீட்டித்துள்ளது. அத்துடன் பங்கின் வெளியீட்டு விலையை ரூ.200&225&ஆக குறைத்துள்ளது. முன்பு இதனை ரூ.220&230 என்ற அளவில் நிர்ணயம் செய்திருந்தது.
வாஸ்கான் இன்ஜினியரிங்
இந்நிலையில், தற்போது மூலதனச் சந்தையில் இறங்கியுள்ள வேறு சில நிறுவனங்களின் பங்கு வெளியீடுகள் குறித்தும் ஐயப்பாடுகள் எழுந்துள்ளன. பங்குகள் வேண்டி போதிய அளவுக்கு விண்ணப்பங்கள் பெறப்படாத நிலையில், இந்த நிறுவனங்களின் பங்கு வெளியீட்டு காலம் நீட்டிக்கப்படுமா என்பது கேள்விக்குறியாக உள்ளது.
எனினும் வாஸ்கான் இன்ஜினியரிங் நிறுவனத்தின் பங்கு வெளியீட்டுக்கு போதிய வரவேற்பு கிடைத்துள்ளது. இந்நிறுவனம் ரூ.200 கோடியை திரட்டும் நோக்கத்துடன் 1.08 கோடி பங்குகளை வெளியிட்டது. அதே சமயம் 1.21 கோடி பங்குகள் வேண்டி விண்ணப்பங்கள் வந்துள்ளன. இதனையடுத்து இந்நிறுவனத்தின் பங்கு வெளியீடு திட்டமிட்டபடி சென்ற வெள்ளிக்கிழமையன்று நிறைவடைந்தது.

இந்துஸ்தான் பெட்ரோலியம்


ரூ.25,000 கோடியில் புதிய சுத்திகரிப்பு ஆலை நிறுவ முடிவு
இக்கனாமிக் டைம்ஸ் செய்தி பிரிவு
புதுடெல்லி
பொதுத் துறை நிறுவனமான இந்துஸ்தான் பெட்ரோலியம் கார்ப்பரேஷன் (எச்.பி.சி.எல்), நாட்டின் மேற்கு கடற்கரை பகுதியில், ரூ.25,000 கோடி செலவில், ஒரு புதிய எண்ணெய் சுத்திகரிப்பு தொழிற்சாலையை நிறுவ திட்டமிட்டுள்ளது. இது, மும்பை மற்றும் கோவா ஆகிய நகரங்களுக்கிடையில் நிறுவப்பட வாய்ப்புள்ளதாக தகவலறிந்த வட்டாரங்கள் தெரிவித்தன. இதற்கான ஆய்வுகள் நடைபெற்று வருவதை எச்.பி.சி.எல். நிறுவனத்தின் தலைவர் அருண் பாலகிருஷ்ணன் உறுதி செய்தார்.
இட பற்றாக்குறை
எச்.பி.சி.எல். நிறுவனம், தற்போது மும்பையில் ஓர் சுத்திகரிப்பு ஆலையைக் கொண்டுள்ளது. ஆண்டுக்கு 65 லட்சம் டன் கச்சா எண்ணெயை சுத்திகரிக்கும திறன் கொண்ட இவ்வாலையில் இடப்பற்றாக்குறை ஏற்பட்டுள்ளதால் புதிதாக ஒரு தொழிற்சாலையை உருவாக்கும் முடிவுக்கு இந்நிறுவனம் வந்துள்ளதாக தெரிகிறது. புதிய ஆலை மும்பை தொழிற்சாலையின் விரிவுபடுத்தப்பட்ட பகுதியாகவே செயல்படும். இத்திட்டத்துக்காக, மகாராஷ்ர மாநில அரசிடம் சுமார் 3,000 ஏக்கர் நிலம் வேண்டி கோரிக்கை விடுக்கப்பட்டுள்ளது.
இது குறித்து எச்.பி.சி.எல். நிறுவனத்தின் உயர் அதிகாரி ஒருவர் கூறும்போது, Òநிறுவனத்தின் மும்பை ஆலை ஆண்டுக்கு 65 லட்சம் டன் கச்சா எண்ணெயை சுத்திகரிக்கும் திறன் கொண்டது. இந்த அளவு சுத்திகரிப்பு திறன் கொண்ட ஒரு தொழிற்சாலை 2,000 ஏக்கருக்கும் அதிகமான நிலப்பரப்பில் அமைக்கப்பட வேண்டும். ஆனால் நிறுவனத்தின் ஆலையோ 350 ஏக்கர் பரப்பளவில்தான் அமைந்துள்ளது. ஆக, இங்கு கடும் இடப்பற்றாக்குறை நிலவுகிறது. இதனால் நிறுவனத்தின் செயல்திறன் குறைந்து போயுள்ளதுÓ என்று தெரிவித்தார்.
விசாகப்பட்டினம்
எச்.பி.சி.எல். நிறுவனம், ஆந்திர மாநிலம் விசாகப்பட்டினத்திலும் ஒரு சுத்திகரிப்பு ஆலையைக் கொண்டுள்ளது. இது, ஆண்டுக்கு 75 லட்சம் டன் கச்சா எண்ணெயை சுத்திகரிக்கும் திறன் கொண்டதாகும். இந்நிறுவனம் பஞ்சாப் மாநிலம் பதின்டாவில் மேலும் ஒரு சுத்திகரிப்பு ஆலையை நிர்மாணித்து வருகிறது. இவ்வாலை ஆண்டுக்கு 90 லட்சம் டன் எண்ணெய் சுத்திகரிக்கும் திறன் கொண்டதாக இருக்கும். இது, உருக்கு துறையில் ஜாம்பவானாக திகழும் லட்சுமி மிட்டலின் கூட்டுடன் அமைக்கப்படுகிறது என்பது குறிப்பிடத்தக்கது. இந்நிலையில் எச்.பி.சி.எல். நிறுவனம் ஆண்டுக்கு 1&2 கோடி டன் எண்ணெய் சுத்திகரிப்பு திறனுடன் ஆலை ஒன்றை நிறுவ தீவிரமாக ஆலோசித்து வருகிறது.


செடான் வகை கார்களை திரும்ப பெறுகிறது ஹோண்டா நிறுவனம்

புதுடில்லி: ஹோண்டா இந்தியா நிறுவனம், கடந்த 2007ம் ஆண்டில் இந்தியாவில் விற்பனை செய்த செடான் 8532 வகை கார்களை திரும்ப பெற்று வருகிறது. இதுகுறித்து, ஹோண்டா நிறுவனம் வெளியிட்டுள்ள செய்தியில், செடான் 8532 வகை கார்களில் பவர் விண்டோ சுவிட்ச்சில் தொடர்ந்து பிரச்சினை இருந்துவருகிறது. இதனால், கார் எரிந்து போகும் அளவுக்கு அபாயம் ஏற்பட்டுள்ளது. இதனை தவிர்க்கும் விதமாக ஹோண்டா 8532 வகை காரை திரும்ப பெறுகிறோம் என் தெரிவித்துள்ளது.

2007-ம் ஆண்டு தயாரிக்கப்பட்ட செடான்கள் மட்டுமே திரும்பப் பெறப்பட்டு, பிரச்சினை சரி செய்யப்பட்ட பிறகு தரப்படுமாம். புதிதாக தயாரிக்கப்பட்ட செடான்களில் இந்த பிரச்சினை இல்லை என்று கூறப்படுகிறது.


இதே பிரச்சினை, ஹோண்டாவின் மற்ற மாடல்களான ஃபிட் மற்றும் ஜாஸ் கார்களிலும் தொடர்வதாகக் கூறப்படுகிறது. சமீபத்தில்தான் டொயோட்டா நிறுவனம் தனது 8 மாடல்களில் விற்கப்பட்ட 18 லட்சம் கார்களை அமெரிக்காவில் திரும்பப் பெறுவதாக அறிவித்துள்ளது என்பது நினைவிருக்கலாம்.

வர்த்தகமைய தாக்குதல் - பாதிக்கப்பட்ட நகரங்களுக்கு 200 மில்லியன் : ஒபாமா

‌டிச., 31 வரை 17 ஆயிரம் யுனிட் நானோ கார் விற்பனை
மும்பை: 2009ம் ஆண்டு டிசம்பர் 31ம் தேதி வரையில் சுமார் 17 ஆயிரம் யுனிட்களுக்கும் மேற்பட்ட நானோ கார்கள் விற்பனை செய்யப் பட்டு இருப்பதாக ‌டாடா மோட்டார்ஸ் நிறுவனம் தெரிவித்துள்ளது.
இதுகுறித்து அந்நிறுவத்தின் மேலாண்மை இயக்குனர் டெலாங் கூறும்போது, உத்ரகாண்டில் உள்ள நானோ கார் உற்பத்தி தொழிற்சாலையில் இருந்து , 17 ஆயிரத்து 537 யுனிட் கார்கள் விறப்னை செய்யப் பட்டுள்ளன என்று தெரிவித்தார்.

மேலும் அவர் கூறும்போது, எங்களது புதிய திட்டத்தை குஜராத்தில் தொடங்க உள்ளோம். இந்த புதிய திட்டத்திற்கு சனான்த் திட்டம் என்று பெயரிட்டுள்‌ளோம். இன்னும் இரண்டு மாதங்களில் இத்திட்டம் தொடங்கப் படும். இதன் விலை 2.5 லட்சமாக இருக்கும் என்றார்

இந்தியன் ஓவர்சீஸ் வங்கியின் டிபாசிட் 17 சதவீதம் உயர்வு
சென்னை: இந்தியன் ஓவர்சீஸ் வங்கியின் மொத்த,'டிபாசிட்', முந்தைய ஆண்டைவிட 16.93 சதவீதம் அதிகரித்து, ஒரு லட்சத்து ஆறாயிரத்து 249 கோடி ரூபாயாக உயர்ந்துள்ளது. இந்தியன் ஓவர்சிஸ் வங்கி, டிசம்பர் வரையிலான, நடப்பு நிதியாண்டின் நிதிநிலை குறித்து, வெளியிட்டுள்ள செய்திக்குறிப்பு: டிசம்பர் 31ம் தேதி வரையிலான ஓராண்டில், ஒரு லட்சத்து 85 ஆயிரத்து 656 கோடி ரூபாய் மொத்த வர்த்தகம் நடந்துள்ளது. முந்தைய ஆண்டைவிட இது 14.20 சதவீதம் அதிகம். வங்கியின் மொத்த,'டிபாசிட்', முந்தைய ஆண்டைவிட 16.93 சதவீதம் அதிகரித்து, ஒரு லட்சத்து ஆறாயிரத்து 249 கோடி ரூபாயாக உள்ளது. நடப்பு நிதியாண்டின், முதல் ஒன்பது மாதங்களில், வங்கியின் மொத்த வருவாய் 2 ,828 கோடியே 65 லட்சம் ரூபாய். இது, 2008-09ம் நிதியாண்டின் இதே காலத்தை ஒப்பிடும்போது, 11.74 சதவீதம் குறைவு. வங்கியின் நிகர லாபம், 579 கோடியே 52 லட்சம் ரூபாயாக உள்ளது. முந்தைய நிதியாண்டின் இதே காலத்தில், நிகர லாபம் 1,003 கோடியே 42 லட்சம் ரூபாயாக இருந்தது. வங்கியின் மொத்த செலவு 3.65 சதவீதம் அதிகரித்து, 2 ,422 கோடியே 56 லட்சம் ரூபாயாக உள்ளது. 'டிபாசிட்' களுக்கான வட்டி, 2.82 சதவீதம் குறைந்து, 1,566 கோடியே 40 லட்சம் ரூபாயாக உள்ளது. இவ்வாறு தெரிவிக்கப்பட்டுள்ளது

தமிழகத்தி்ல் முதல் நடமாடும் ஏ.டி.எம்.,: இந்தியன் ஓவர்சீஸ் வங்கி தொடங்கியது

சென்னை: தமிழகத்தில் முதல் நடமாடும் ஏ.டி.எம்., சேவையை இந்தியன் ஓவர்சீஸ் வங்கி இன்று தொடங்கியுள்ளது. இதனை துணை மு‌தல்வர் ஸ்டாலின் கொடி‌யசைத்து துவங்கி வைத்தார்.
இந்தியன் ஓவர்சீஸ் வங்கியின் தலைவர் மற்றும் நிர்வாக இயக்குனர் பட் தலைமை தாங்கினார். புதிய நடமாடும் ஏ.டி.எம்., குறித்து பட் கூறும்போது, இந்தியன் ஓவர்சிஸ் வங்கி சார்பில் சென்னையில் 70 இடங்களில் ஏ.டி.எம். மையங்கள் உள்ளன. இப்போது தமிழகத்திலேயே முதல் முறையாக ஐ.ஒ.பி. நடமாடும் ஏ.டி.எம். மையத்தை தொடங்கியுள்ளோம் என்று தெரிவித்தார்.

மேலும் இதுகுறித்து அவர் கூறும்போது, இது செயற்கை கோள் மூலம் செயல்படுகிறது. இந்த திட்டத்திற்கு வரவேற்பு இருந்தால் மேலும் பல நடமாடும் ஏ.டி.எம். சேவை தொடங்கப்படும்.

இந்த ஏ.டி.எம். மையம் ராயபுரம், வண் ணாரப்பேட்டை , பாரிமுனை உள்ளிட்ட இடங்களில் நின்று செல்லும்.

ஒவ்வொரு இடத்திலும் 2 மணி நேரம் இந்த நடமாடும் ஏ.டி.எம். நிலையம் நின்று செல்லும். தமிழகம் முழுவதும் மார்ச் மாதத்திற்குள் 1000 ஏ.டி.எம். மையங்கள் அமைக்கப்படும் என்று கூறினார்.

ஓஎன்ஜிசி, என்டிபிசி, ஐஓசிக்கு மகாரத்னா அந்தஸ்து
புதுடெல்லி : ஓ.என்.ஜி.சி., என்.டி.பி.சி., ஐ.ஓ.சி., உள்ளிட்ட நிறுவனங்களுக்கு மகாரத்னா அந்தஸ்து கிடைத்துள்ளது.
தொடர்ச்சியாக லாபத்துடன் இயங்கும் பொதுத்துறை நிறுவனங்கள் நவரத்ன அந்தஸ்திலிருந்து மகாரத்னா அந்தஸ்துக்கு உயர்த்தப்படும் என்று சமீபத்தில் அரசு அறிவித்து இருந்தது.

இந்நிலையில், இந்தியத் தொழில்கள் கூட்டமைப்பு ஏற்பாடு செய்திருந்த நிகழ்ச்சி ஒன்றில் கலந்து கொண்ட அரசு நிறுவனங்கள் துறைச் செயலாளர் பாஸ்கர் சாட்டர்ஜி , எண்ணெய் மற்றும் இயற்கை வாயு கார்ப்பரேஷன், தேசிய அனல் மின்சார கார்ப்பரேஷன், ஸ்டீல் அத்தாரிட்டி ஆப் இந்தியா, இந்தியன் ஆயில் கார்ப்பரேஷன் ஆகிய நான்கு அரசு நிறுவனங்களும் விரைவில் மகாரத்னா அந்தஸ்துக்கு உயர்த்தப்பட உள்ளதாக தெரிவித்துள்ளார்.

நாஸ்டாக் பங்குச்சந்தையை தொடங்கி வைக்கின்றனர் ஷாருக், கஜோல்
வாஷிங்டன் : உலகின் மிகப்பெரிய பங்குச்சந்தை அமெரிக்காவில் நாஸ்டாக் பங்குச்சந்தை. இந்த பங்குச்சந்தையில் பிப்ரவரி மாதம் முதல் நாள் வர்த்தகத்தை பாலிவுட் பிரபலங்களான ஷாருக் - கஜோல் தொடங்கி வைக்கின்றனர். நாஸ்டாக் வர்த்தகத்தை துவக்க இதுவரை பெரிய கம்பெனிகளின் சி.இ.ஓ,.க்களுக்கு தான் அனுமதி அளிக்கப்பட்டிருந்தது. இந்நிலையில் நாஸ்டாக் வர்த்தக மையத்தில் பாலிவுட் நடிகர், நடிகைக்கு கிடைத்துள்ள இந்த கவுரவம் பரபரப்பை ஏற்படுத்தியுள்ளது. அவர்கள் பிப்ரவரி 1ம் தேதி வர்த்தகத்தை மணியடித்து தொடங்கி வைப்பர் என தெரிகிறது.

முக்கிய பொருட்கள் இறக்குமதி அதிகரிப்பு
புதுடில்லி: கடந்தாண்டு ஏப்ரல் மாதம் முதல் அக்டோபர் மாதம் வரையிலான காலத்தில், முக்கியப் பொருட்களின் இறக்குமதி 34.5 சதவீதம் அதிகரித்துள்ளதாக, வர்த்தகத் துறை அமைச்சகம் சார்பில் வெளியிடப்பட்ட தகவலில் தெரிவிக்கப்பட்டுள்ளது.

இதுகுறித்து, வர்த்தகத் துறை அமைச்சகம் சார்பில் வெளியிடப்பட்ட தகவல்: கடந்தாண்டு ஏப்ரல் முதல் அக்டோபர் மாதம் வரையிலான காலத்தில், பால் மற்றும் பால் பொருட்கள் 131.16 கோடி ரூபாய்க்கு இறக்குமதி செய்யப்பட்டன. டீ மற்றும் காபி ஆகிய பொருட்கள் 185.39 கோடி ரூபாய்க்கு இறக்குமதி செய்யப்பட்டன. இவை அனைத்தும், அதற்கு முந்தைய ஆண்டை விட அதிகம். சமையல் எண்ணெய், 14 ஆயிரம் கோடி ரூபாய்க்கு இறக்குமதி செய்யப்பட்டது. அதற்கு முந்தைய ஆண்டு, 8,195 கோடி ரூபாய்க்கு மட்டுமே இறக்குமதி செய்யப்பட்டது.


கச்சா சமையல் எண்ணெய் மற்றும் ரிபைன்ட் எண்ணெயின் இறக்குமதி முறையே 83 சதவீதம் மற்றும் 36 சதவீதம் அதிகரித்துள்ளது. இதைத்தவிர பருப்புகள், ரப்பர், மசாலா பொருட்கள், உணவு தானியங்கள், உட்பட பல பொருட்களின் இறக்குமதியும் அதிகரித்துள்ளன. மதுபானங்கள் மற்றும் ஆட்டோமொபைல் இறக்குமதி சிறிது குறைந்துள்ளது. எனினும், கடந்தாண்டு ஏப்ரல் முதல் அக்டோபர் வரையிலான காலத்தில் இறக்குமதி செய்யப் பட்ட பொருட்களின் மொத்த மதிப்பு 7.16 லட்சம் கோடி ரூபாய். இது, அதற்கு முந்தைய ஆண்டு மதிப்பான 9.16 லட்சம் கோடி ரூபாயை விட குறைவு. பொருட்களின் மொத்த இறக்குமதி மதிப்பான 5 சதவீதத்தில், முக்கியப் பொருட்களின் இறக்குமதி 2.9 சதவீதம். இவ்வாறு அந்த தகவலில் தெரிவிக்கப்பட்டுள்ளது.

மணல் தேவை அதிகரிப்பு: விலை உயரும் அபாயம்
திருச்சி: மணல் தேவை அதிகரித்துள்ளதால், அவற்றின் விலை மேலும் அதிகரிக்கும் அபாயம் உள்ளது.
திருச்சி மாவட்டம் ஏவூர், வாசலை, நொச்சியம், மகேந்திரமங்கலம், ஏளூர் பட்டி ஆகிய இடங்களில், அரசு மணல் குவாரிகள் செயல்படுகின்றன. இங்கு அள்ளப்படும் மணல் சேலம், நாமக்கல், ஈரோடு, கரூர் மற்றும் தர்மபுரி மாவட்டங்களுக்கு சப்ளை செய்யப்படுகிறது. மூன்று யூனிட் கொண்ட ஒன்பது டன் மணல், 1,200 ரூபாய் வரை அங்கு விற்பனை செய்யப்படுகிறது. மேற்குறிப்பிட்ட மாவட்ட பகுதியில், ஒரு லோடு மணல் ஐயாயிரம் ரூபாய் வரை விற்பனை செய்யப்படுகிறது. கட்டுமானப்பணி அதிகரித்து வருவதால், மணல் தேவையும் அதிகரித்துள்ளது. அதை குறிவைத்து, மணல் விலையும் அதிகரிப்பது, கட்டுமான தொழிலில் ஈடுபடுவோரை கலங்கச் செய்துள்ளது. விற்பனையாளர் சிலர் கூறியதாவது: தற்போது, ஒரு லோடு மணல் ஐயாயிரம் ரூபாய் வரை விற்பனை செய்யப்படுகிறது. இவ்விலை லாரி உரிமையாளர்களுக்கு கட்டுபடியானதில்லை. கட்டுமான பணி அதிகளவில் நடப்பதால் தற்போது மணல் தேவை அதிகரித்துள்ளது. வரும் நாட்களில், மணல் விலை மேலும் அதிகரிக்க வாயப்புள்ளது. இவ்வாறு அவர்கள் தெரிவித்தனர்.

கட்டட கட்டுமான தொழிலில் ஈடுபடுவோர் கூறியதாவது: கடந்த ஆண்டு, இதே மாதம் ஒரு லோடு மணல் மூவாயிரம் ரூபாய்க்கு விற்பனை செய்யப்பட்டது. அதே அளவு மணல், சென்ற மாதம் ஆயிரம் ரூபாய் ஏற்றம் கண்டு நான்காயிரம் ரூபாய்க்கு விற்பனை செய்யப்பட்டது. இந்த மாதம் ஐயாயிரம் ரூபாய்க்கு ஒரு லோடு விற்கிறது. விலையேற்றத்துக்கு மணல் தட்டுப்பாடு காரணமாக தெரிவிக்கப்படுகிறது. இந்த விலை மேலும் அதிகரிக்கும் என தெரிவிக்கப்படுகிறது. மணல் விலையேற்றம் காரணமாக, கடந்த சில மாதங்களுக்கு முன் துவங்கப்பட்ட கட்டடப் பணிகள் பாதிக்கப்பட்டுள்ளன. ரியல் எஸ்டேட் தொழில் சரிவில் உள்ள நிலையில், மணல் விலை கிடுகிடுவென உயர்ந்திருப்பது, கட்டுமானத் தொழிலில் ஈடுபடும் அனைவரையும் கலங்கச் செய்யும் விதத்தில் அமைந்துள்ளது. இவ்வாறு அவர்கள் கூறினர்.

தமிழகத்தில் வேலையற்ற படித்த இளைஞர்களுக்கு ரூ.250 கோடி
சென்னை: தமிழகத்தில் வேலையற்ற படித்த இளைஞர்களுக்கு உதவித்தொகையாக கடந்த 3 மூன்றாண்டுகளில் ரூ.250 கோடி வழங்கப்பட்டுள்ளது.

வேலைவாய்ப்பு அலுவலகத்தில் பதிவு செய்து வேலைக்காக 5 ஆண்டுகளுக்கும் மேல் காத்திருக்கும் படித்த இளைஞர்களுக்கு அரசு உதவித்தொகை ழங்கும் திட்டம் கடந்த 2006ம் ஆண்டு தொடங்கப்பட்டது.

எஸ்.எஸ்.எல்.சி. தேர்ச்சி பெற்றவர்களுக்கு மாதம் ரூ.150, பிளஸ்2 தேர்ச்சி பெற்றவர்களுக்கு மாதம் ரூ.200, பட்டதாரிகளுக்கு ரூ.300 உதவித்தொகை வழங்கப்பட்டு வருகிறது.

தமிழகத்தில் இத்திட்டத்தின் மூலம் கடந்த மூன்று ஆண்டுகளில், 3 லட்சத்து 50 ஆயிரம் பேர் பயன் அடைந்துள்ளனர். ரூ.250 கோடி இத்திட்டத்திற்காக செலவிடப்பட்டுள்ளது.

வேலை வாய்ப்பு அலுவலகத்தில் பதிவு செய்து 5 வருடம் கழித்தவர்களுக்கு இந்த உதவித்தொகை வழங்கப்படுகிறது. எஸ்.சி, எஸ்.டி, பிரிவைச் சேர்ந்தவர்களுக்கு 45 வயது வரையிலும் மற்றவர்களுக்கு 40 வயது வரையும் உதவித்தொகை கிடைக்கும்.

தற்போது சென்னை சாந்தோம் நெடுஞ்சாலையில் செயல்பட்டு வரும் வேலைவாய்ப்பு அலுவலகம், கிண்டியில் உள்ள மகளிர் ஐ.டி.ஐ வளாகத்துக்கு மாற்றப்படுகிறது.

சாந்தோமில் தற்போது செயல்படும் அனைத்து அலுவலகங்களும் இனி கிண்டியில் ஒரே இடத்தில் செயல்படும் என்று வேலை வாய்ப்பு மற்றும் பயிற்சித்துறை ஆணையாளர் ஜீவரத்தினம் கூறியுள்ளார்.

தேசிய அனல்மின் கழகம்

தேசிய அனல்மின் கழகம்


வரும் நிதி ஆண்டில், விரிவாக்கத்துக்காக ரூ.29,000 கோடி முதலீடு செய்ய திட்டம்


இக்கனாமிக் டைம்ஸ் செய்தி பிரிவு

மும்பை
என்.டி.பி.சி. என்று சுருக்கமாக அழைக்கப்படும் தேசிய அனல்மின் கழகம், வரும் 2010&11&ஆம் நிதி ஆண்டில் விரிவாக்க நடவடிக்கைகளை மேற்கொள்ள ரூ.29,000 கோடி முதலீடு செய்ய திட்டமிட்டுள்ளது. நாட்டின் மிகப் பெரிய மின் உற்பத்தி நிறுவனமான என்.டி.பி.சி., அதன் மின்சார உற்பத்தி திறனை அதிகரிக்கும் வகையில் இந்த மாபெரும் முதலீட்டை மேற்கொள்ள முடிவு செய்துள்ளதாக தகவலறிந்த வட்டாரங்கள் தெரிவித்தன.
பங்கு வெளியீடு
என்.டி.பி.சி. நிறுவனம் இரண்டாவது பங்கு வெளியீட்டில் இறங்க தயாராகி உள்ளது. இது தொடர்பாக மும்பையில் நடைபெற்ற செய்தியாளர் கூட்டம் ஒன்றில், இந்நிறுவனத்தின் இயக்குனர் (நிதி) ஏ.கே.சிங்கால் இத்தகவலை வெளியிட்டார்.
அவர் மேலும் கூறுகையில், Òவரும் நிதி ஆண்டில், நிறுவனம் மேலும் 4,500 மெகா வாட் மின்சாரம் உற்பத்தி செய்யும் வகையில் அதன் உற்பத்தி திறனை அதிகரித்துக் கொள்ள முடிவு செய்துள்ளது. இதனையடுத்து ரூ.29,481 கோடி முதலீடு செய்ய தயாராகி வருகிறதுÓ என்று தெரிவித்தார்.
நடப்பு 2009&10&ஆம் நிதி ஆண்டில், என்.டி.பி.சி. நிறுவனம் அதன் மின் உற்பத்தி திறனை 3,300 மெகா வாட் அதிகரிக்க இலக்கு நிர்ணயம் செய்திருந்தது. எனினும் இந்நிறுவனத்தின் சிபாட் மின் திட்டத்தின் முதல் பிரிவு இவ்வாண்டு ஆகஸ்டு மாதத்தில்தான் செயல்பாட்டுக்கு வர உள்ளது. இதனால் நடப்பு நிதி ஆண்டுக்கான இலக்கு எட்டப்படவில்லை. சிபாட் மின் திட்டம் 1,320 மெகா வாட் திறன் கொண்டதாகும். இத்திட்டம் தலா 660 மெகா வாட் திறன் கொண்ட இரண்டு பிரிவுகளாக உருவாக்கப்படுகிறது.
வணிக கடன்கள்
மாபெரும் முதலீட்டுச் செலவை மேற்கொள்ள முடிவு செய்துள்ள நிலையில், இத்தொகையின் ஒரு பகுதியை வெளிநாட்டு வணிகக் கடன்கள் மூலமாகவும், மற்றொரு பகுதியை இந்திய வங்கிகளிடம் கடன் பெற்றும் திரட்ட என்.டி.பி.சி. முடிவு செய்துள்ளது. இதில் வங்கிக் கடன்கள் சுமார் ரூ.26,000 கோடியாகவும், வெளிநாட்டு வணிக கடன்கள் ரூ.1,900 கோடியாகவும் இருக்கும்.
என்.டி.பி.சி. நிறுவனத்தின் தற்போதைய மின் உற்பத்தி திறன் 30,644 மெகா வாட்டாக உள்ளது. இதனை, 2017&ஆம் ஆண்டுக்குள் 75,000 மெகா வாட்டாக அதிகரிக்க திட்டமிட்டுள்ளது. வரும் நிதி ஆண்டுக்குப் பிறகு, ஆண்டுதோறும் 4,500 முதல் 6,500 மெகா வாட் வரை மின் உற்பத்தி திறனை அதிகரிக்க உத்தேசித்துள்ளது.

நடப்பு ஜனவரி மாதத்தில் ரூ.30,820 கோடி திரட்டப்பட்டது


புதிய பங்கு வெளியீடுகளில் Ôபிரிக்Õ நாடுகள் முன்னிலை


பிரேசில், ரஷ்யா, இந்தியா மற்றும் சீனா ஆகியவை Ôபிரிக்Õ நாடுகளாகும். நடப்பு ஜனவரி மாதத்தில் புதிய பங்கு வெளியீடுகள் மேற்கொண்டதில் இந்த நாடுகள் முன்னிலை வகிக்கின்றன.
26 நிறுவனங்கள்
இந்நாடுகளிலுள்ள 26 நிறுவனங்கள் நடப்பு ஜனவரி மாதத்தில் இதுவரையில் புதிய பங்கு வெளியீடுகள் வாயிலாக 670 கோடி டாலர் (ரூ.30,820 கோடி) திரட்டி உள்ளன. ஜனவரி மாதத்தில் நிறுவனங்கள் இந்த அளவிற்கு நிதி திரட்டியது இதுவே முதல் முறையாகும்.
நடப்பு ஜனவரி மாதத்தில் உலக அளவில் பங்கு வியாபாரத்தில் மந்தநிலை உருவாகி உள்ளபோதிலும், Ôபிரிக்Õ நாடுகளிலுள்ள நிறுவனங்கள் அதிக நிதியை திரட்டி உள்ளன என்பது குறிப்பிடத்தக்கது.
பொருளாதாரம் மற்றும் பங்கு வர்த்தகத்தில் எழுச்சி ஏற்பட்டிருந்த கடந்த 2007&ம் ஆண்டில் Ôபிரிக்Õ நாடுளில் உள்ள நிறுவங்கள் 23 புதிய பங்கு வெளிடுகள் வாயிலாக 390 கோடி டாலர் திரட்டி இருந்தன.
கடந்த 2008&ஆம் ஆண்டில் 22 நிறுவனங்கள் புதிய பங்கு வெளியீடுகள் வாயிலாக 350 கோடி டாலர் திரட்டின. எனவே நடப்பு ஜனவரி மாதத்தில் Ôபிரிக்Õ நாடுகளிலுள்ள நிறுவனங்களின் புதிய பங்கு வெளியீட்டு நடவடிக் கைகளில் பெரும் எழுச்சி ஏற்பட்டுள்ளது.
இது, உலக அளவில் புதிய பங்கு வெளியீடுகள் வாயிலாக திரட்டப்பட்ட நிதியில் 76 சதவீதம் என்பது குறிப்பிடத்தக்கது. கடந்த 2008&ஆம் ஆண்டு ஜனவரி மாதத்தில் இது 5.6 சதவீதமாக இருந்தது.
Ôபிரிக்Õ நாடுகளில், புதிய பங்கு வெளியீடுகள் வாயிலாக திரட்டப்பட்ட நிதியில் சீனாவின் பங்களிப்பு 67 சதவீதமாகும். சீனா நாட்டு நிறுவனங்கள்தான் அதிக எண்ணிக்கையில் பங்கு வெளியீடுகளை மேற்கொண்டுள்ளன. அதிக தொகைக்கு நிதி திரட்டியதில் ரஷ்யாவைச் சேர்ந்த உருக்கு உற்பத்தி நிறுவனமான ரூசால் முதலிடத்தில் உள்ளது. இந்நிறுவனம் புதிய பங்கு வெளியீடு வாயிலாக 220 கோடி டாலர் திரட்டி உள்ளது.
உலோக துறை
புதிய பங்கு வெளியீடுகள் வாயிலாக நிதி திரட்டுவதில் உலோகத் துறையைச் சேர்ந்த நிறுவனங்கள் முன்னிலை வகிக்கின்றன. சென்ற 2009&ஆம் ஆண்டில் Ôபிரிக்Õ நாடுகளில் புதிய பங்கு வெளியீடுகள் வாயிலாக 6,300 கோடி டாலர் (ரூ.2,89,800 கோடி) திரட்டப்படன.

சென்ற 2009&ஆம் ஆண்டு டிசம்பர் மாதத்தில்


செல்போன் வாடிக்கையாளர்கள் எண்ணிக்கை 52 கோடியை தாண்டியது


இக்கனாமிக் டைம்ஸ் செய்தி பிரிவு
புதுடெல்லி
இந்தியாவில் செல்போன் வாடிக்கையாளர்கள் எண்ணிக்கை சென்ற டிசம்பர் மாதத்தில் 52 கோடியை தாண்டி உள்ளது. உலக அளவில் எந்த நாட்டிலும் இல்லாத அளவிற்கு இது ஒரு மாபெரும் சாதனை என ஆய்வாளர்கள் தெரிவித்துள்ளனர்.
புதிய அத்தியாயம்
சென்ற 2009&ஆம் ஆண்டு நவம்பர் மாதத்தில் மட்டும் செல்போன் வாடிக்கையாளர்கள் எண்ணிக்கை 1.76 கோடி அதிகரித்து இருந்தது. இந்நிலையில், டிசம்பர் மாதத்தில் புதிதாக செல்போன் சேவையில் 1.91 கோடி பேர் இணைந்து, செல்போன் சேவைத்துறையில் ஒரு புதிய அத்தியாயத்தை உருவாக்கி உள்ளனர். Ôடிராய்Õ அமைப்பு வெளியிட்டுள்ள புள்ளிவிவரம் வாயிலாக இது தெரிய வந்துள்ளது.
ஆக, சென்ற டிசம்பர் மாதம் வரையிலுமாக நாட்டில் செல்போன் சேவையை (சி.டீ.எம்.ஏ. மற்றும் ஜி.எஸ்.எம்.) பயன்படுத்தும் வாடிக்கையாளர்களின் ஒட்டுமொத்த எண்ணிக்கை 52.52 கோடியாக அதிகரித்துள்ளது. இது, சென்ற நவம்பர் மாதத்தில் 50.60 கோடி என்ற எண்ணிக்கையில் இருந்தது.
பார்தி ஏர்டெல்
ஒரே வாடிக்கையாளர் ஒன்றுக்கு மேற்பட்ட செல்போன் இணைப்புகளை பெறுவது அதிகரித்துள்ளது. இதனால் சென்னை, புதுடெல்லி, மும்பை உள்ளிட்ட பெரிய நகரங்களில் மக்கள்தொகை யையும் விஞ்சிடும் வகையில் செல்போன் இணைப்பு பெற்றுள்ளவர்களின் எண்ணிக்கை அதிகரித்துள்ளது. நகர்ப்புறங்களில் மட்டுமல்லாமல், கிராமப்புறங்களிலும் செல்போன் பயன்பாடு அதிகரித்து வருகிறது.
இந்தியாவில் செல்போன் சேவைத் துறையில் பார்தி ஏர்டெல் நிறுவனம் தொடர்ந்து முதலிடத்தில் உள்ளது. சென்ற டிசம்பர் மாதத்தில் இந்நிறுவனம் 28.50 லட்சம் வாடிக்கையாளர்களை இணைத்துக் கொண்டுள்ளது. இந்நிறுவனத்தின் மொத்த வாடிக்கையாளர்களின் எண்ணிக்கை தற்போது 11.80 கோடி என்ற அளவில் உள்ளது.
ரிலையன்ஸ் கம்யூனிகேஷன்ஸ்
ரிலையன்ஸ் கம்யூனிகேஷன்ஸ் நிறுவனம் சென்ற டிசம்பர் மாதத்தில் கூடுதலாக 28 லட்சம் புதிய வாடிக்கையாளர்களை பெற்றுள்ளது. இந்நிறுவனத்தின் ஒட்டுமொத்த வாடிக்கையாளர்களின் எண்ணிக்கை 9.40 கோடி என்ற அளவில் உள்ளது. இதனையடுத்து இத்துறையில் இந்நிறுவனம் இரண்டாவது இடத்தில் உள்ளது.
மூன்றாவது இடத்தில் உள்ள வோடாபோன் எஸ்ஸார் நிறுவனமும் சென்ற டிசம்பர் மாதத்தில் 27 லட்சம் வாடிக்கையாளர்களை புதிதாக இணைத்துக் கொண்டுள்ளது. இதனையடுத்து இந்நிறுவனத்தின் வாடிக்கையாளர்களின் மொத்த எண்ணிக்கை 9.10 கோடியாக உள்ளது.
ஐடியா செல்லுலார் நிறுவனம் சென்ற நவம்பர் மாதத்தில் கூடுதலாக 25 லட்சம் வாடிக்கையாளர்களையும், டிசம்பர் மாதத்தில் 17 லட்சம் வாடிக்கையாளர்களையும் இணைத்துக் கொண்டது. இதனையடுத்து இந்நிறுவனத்தின் வாடிக்கையாளர்களின் மொத்த எண்ணிக்கை 5.80 கோடியாக உயர்ந்துள்ளது. இந்நிறுவனம் நான்காவது இடத்தில் உள்ளது.
இருப்பினும் கடந்த 5 மாதங்களாக அதிக எண்ணிக்கையில் வாடிக்கையாளர்களை ஈர்ப்பதில் டாட்டா டெலி சர்வீசஸ் நிறுவனம் முதலிடத்தில் உள்ளது. இந்நிறுவனம் சென்ற டிசம்பர் மாதத்தில் கூடுதலாக 30 லட்சம் வாடிக்கையாளர்களை பெற்றுள்ளது. ஒரு நொடிக்கு ஒரு காசு திட்டத்தை அறிவித்த பிறகு இந்நிறுவனத்தின் வாடிக்கையாளர்களின் எண்ணிக்கை சிறப்பான அளவில் வளர்ச்சி கண்டு வருகிறது. இந்நிறுவனம் சி.டீ.எம்.ஏ. மற்றும் ஜி.எஸ்.எம். தொழில்நுட்பத்தில் செல்போன் சேவையை அளித்து வருகிறது.இந்நிறுவனத்தின் மொத்த வாடிக்கையாளர்களின் எண்ணிக்கை 5.70 கோடியாக உயர்ந்துள்ளது.
பொதுத் துறையைச் சேர்ந்த எம்.டி.என்.எல். மற்றும் பீ.எஸ்.என்.எல். ஆகிய இரு நிறுவனங்களுமாக கூடுதலாக 20 லட்சம் வாடிக்கையாளர்களை இணைத்துக் கொண்டுள்ளது. இவற்றுள் எம்.டி.என்.எல். நிறுவனத்தின் ஒட்டுமொத்த வாடிக்கையாளர்களின் எண்ணிக்கை 48 லட்சம் என்ற அளவிலும் பி.எஸ்.என்.எல். நிறுவனத்தின் மொத்த வாடிக்கையாளர்கள் எண்ணிக்கை 6.28 கோடி என்ற அளவிலும் உள்ளது. செல்போன் சேவையில், இந்நிறுவனம் ஆறாவது இடத்தில் உள்ளது.
ஏர்செல்
ஏர்செல் நிறுவனம் சென்ற டிசம்பர் மாதத்தில் 16 லட்சம் வாடிக்கையாளர்களை புதிதாக இணைத்துக் கொண்டுள்ளது. இந்நிறுவனத்தின் மொத்த வாடிக்கையாளர்களின் எண்ணிக்கை 3.10 கோடியாக உள்ளது. செல்போன் சேவைத் துறையில் இந்நிறுவனம் ஏழாவது இடத்தில் உள்ளது.
அண்மையில் புதிதாக செல்போன் சேவையில் களமிறங்கிய சிஸ்டெமா ஷியாம் நிறுவனம் சி.டீ.எம்.ஏ. தொழில்நுட்பத்தில் சேவை அளித்து வருகிறது. இந்நிறுவனம் சென்ற டிசம்பர் மாதத்தில் புதிதாக நான்கு லட்சம் வாடிக்கையாளர்களை இணைத்துக் கொண்டுள்ளது.
யூனிநார் நிறுவனம்
யூனிநார் நிறுவனம் ஜி.எஸ்.எம். செல்போன் சேவையில் களமிறங்கி உள்ளது. இந்நிறுவனத்தை, இந்தியாவைச் சேர்ந்த ரியல் எஸ்டேட் நிறுவனமான யூனிடெக் குழுமமும், நார்வேயைச் சேர்ந்த டெலினார் நிறுவனமும் இணைந்து தொடங்கி உள்ளன. இந்நிறுவனம் சென்ற டிசம்பர் மாதத்தில் புதிதாக 12 லட்சம் வாடிக்கையாளர்களை இணைத்துக் கொண்டுள்ளது. சென்ற மாதத்தில் இந்நிறுவனம் ஏழு தொலைதொடர்பு வட்டங்களில் செல்போன் சேவையை தொடங்கி உள்ளது

பணவீக்கத்தை கட்டுப்படுத்த ரிசர்வ் வங்கி நடவடிக்கை


வங்கிகளின் ரொக்க இருப்பு விகிதம் 5.75 சதவீதமாக உயர்த்தப்பட்டது


இக்கனாமிக் டைம்ஸ் செய்தி பிரிவு
மும்பை
நடப்பு நிதி ஆண்டின் மூன்றாவது காலாண்டிற்கான கடன் கொள்கை ஆய்வு அறிக்கையை பாரத ரிசர்வ் வங்கியின் கவர்னர் டீ. சுப்பாராவ் வெள்ளிக்கிழமை அன்று வெளியிட்டார். அதில் சி.ஆர்.ஆர். என்றழைக்கப்படும் வங்கிகளுக்கான ரொக்க இருப்பு விகிதம் 5 சதவீதத்திலிருந்து 5.75 சதவீதமாக உயர்த்தப்பட்டுள்ளது.
வீட்டுக் கடன்
இந்த விகிதம் உயர்த்தப்பட்டுள்ள போதிலும் வீடு, வாகனம் மற்றும் கல்விக் கடனிற்கான வட்டிவிகிதத்தை வங்கிகள் உயர்த்தாது என்று ஆய்வாளர்கள் தெரிவித்துள்ளனர்.
அதேசமயம், வங்கிகள், பாரத ரிசர்வ் வங்கியிடமிருந்து குறுகிய கால அடிப்படையில் பெறும் கடனிற்கான வட்டி விகிதம் (ரெப்போ ரேட்) உயர்த்தப்படவில்லை. மேலும் வங்கிகள், அவற்றின் உபரிநிதியை பாரத ரிசர்வ் வங்கியில் அவ்வப்போது இருப்பு வைப்பதற்காக பாரத ரிசர்வ் வங்கியால் வழங்கும் வட்டிக்கான விகிதத்திலும் (ரிவர்ஸ் ரெப்போ ரேட்) எவ்வித மாற்றமும் செய்யப்படவில்லை. பணவீக்கத்தை கட்டுப்படுத்துவதுடன், பொருளாதார வளர்ச்சியை நிலை நிறுத்திடும் வகையில் பாரத ரிசர்வ் வங்கி, இந்த நடவடிக்கை எடுத்துள்ளது.
கடந்த 16 ஆண்டுகளில் இல்லாத அளவிற்கு நாட்டின் நிதி பற்றாக்குறை மிகவும் உயர்ந்துள்ளது. பணவீக்க விகிதமும் அதிகரித்து வருகிறது. இது, நாட்டிற்கு சவால்களாக அமைந்துள்ளன என்று சுப்பாராவ் தெரிவித்தார்.
வங்கிகள் அவற்றால் திரட்டப்படும் டெபாசிட்டுகளில் குறிப்பிட்ட சதவீதத்தை பாரத ரிசர்வ் வங்கியில் ரொக்கமாக இருப்பு வைக்க வேண்டும். இதற்கு வங்கிகளுக்கான ரொக்க இருப்பு விகிதம் என்று பெயர். இந்த விகிதத்தை பாரத ரிசர்வ் வங்கி 0.75 சதவீதம் உயர்த்தி உள்ளது.
இரண்டு கட்டங்களில்...
முதற்கட்டமாக வரும் பிப்ரவரி 13&ந் தேதியிலிருந்து 0.50 சதவீதமும், இரண்டாவது கட்டமாக பிப்ரவரி 27&ந் தேதியிலிருந்து 0.25 சதவீதமும் உயர்த்தப்படுகிறது. இந்த நடவடிக்கையால், வங்கிகள் அவற்றால் திரட்டப்படும் டெபாசிட்டுகளில் கூடுதலாக ரூ.36,000 கோடியை வங்கிகளில் இருப்பு வைக்க வேண்டிய நிலை உருவாகும். இதனால் நாட்டில் பணப்புழக்கம் குறைந்து, பணவீக்கம் கட்டுக்குள் வரும் என்று எதிர்பார்க்கப்படுகிறது.
வங்கிகளுக்கான ரொக்க இருப்பு விகிதம் (சி.ஆர்.ஆர்.) உயர்த்தப்பட்டுள்ளது குறித்து, பட்டேல் இன்ஜினீயரிங் நிறுவனத்தின், தலைமை செயல்பாட்டு அதிகாரி சோனல் பட்டேல் கூறும்போது, Òபாரத ரிசர்வ் வங்கி, சி.ஆர்.ஆர். விகிதத்தை 0.50 சதவீதம் உயர்த்தும் என்று பல்வேறு தரப்பினரும் எதிர்பார்த்தனர். இந்த எதிர்பார்ப்புகளையும் விஞ்சி, பாரத ரிசர்வ் வங்கி இந்த விகிதத்தை 0.75 சதவீதம் உயர்த்தி உள்ளது. பணவீக்கத்தை கட்டுப்படுத்தும் வகையில் பாரத ரிசர்வ் வங்கி இந்த நடவடிக்கைகளை மேற்கொண்டுள்ளது. தற்போது நாட்டில் பணப்புழக்கம் மிகவும் நன்றாக உள்ளது. எனவே கடனிற்கான வட்டிவிகிதம் உயர வாய்ப்பில்லைÓ என்று தெரிவித்தார்.
பணவீக்கம்
சர்க்கரை, உருளைக்கிழங்கு, வெங்காயம், பருப்பு வகைகள், சமையல் எண்ணெய், உணவு தானியங்கள் உள்ளிட்ட அத்தியாவசிய உணவு பொருள்கள் விலை விண்ணை தொடும் அளவிற்கு உயர்ந்து வருகிறது. எனவே உணவு பொருள்களுக்கான பணவீக்க விகிதம் ஜனவரி 16&ந் தேதியுடன் நிறைவடைந்த வாரத்தில் 17.40 சதவீதமாக உயர்ந்துள்ளது. இதனையடுத்து செப்டம்பர் மாதத்தில் 0.46 சதவீதமாக இருந்த, அனைத்து பொருள்களுக்கான பணவீக்க விகிதம், சென்ற டிசம்பர் மாதத்தில் 7.31 சதவீதமாக உயர்ந்துள்ளது.
பாரத ரிசர்வ் வங்கி நடப்பு நிதி ஆண்டில் நாட்டின் பணவீக்க விகிதம் 6.5 சதவீதமாக இருக்கும் என முன்பு மதிப்பீடு செய்து இருந்தது. தற்போது உணவு பொருள்களின் விலை மிகவும் உயர்ந்து வருவதால், இது 8.5 சதவீதமாக உயரும் என தற்போதைய ஆய்வு அறிக்கையில் தெரிவித்துள்ளது.
ரிசர்வ் வங்கி, சென்ற 2008&ஆம் ஆண்டு ஜூலை மாதத்திலிருந்து 2009&ஆம் ஆண்டு ஏப்ரல் மாதம் வரையிலான காலத்தில் ரூ.1.60 லட்சம் கோடி அளவிற்கு பணப்புழக்கம் அதிகரிக்கும் வகையில் நடவடிக்கைகளை மேற்கொண்டுள்ளது. மேலும் மத்திய அரசும் மூன்றுமுறை சலுகை திட்டங்களை அளித்தது. இதுபோன்ற காரணங்களால் சென்ற செப்டம்பர் மாதத்துடன் நிறைவடைந்த காலாண்டில் நாட்டின் பொருளாதார வளர்ச்சி கடந்த ஆறு காலாண்டுகளில் இல்லாத அளவிற்கு 7.9 சதவீதமாக உயர்ந்துள்ளது. நடப்பு 2009&10&ஆம் நிதி ஆண்டில் நாட்டின் பொருளாதார வளர்ச்சி 7.5 சதவீதமாக இருக்கும் என பாரத ரிசர்வ் வங்கி முன்னறிவிப்பு செய்துள்ளது. இதற்கு முன்னர் இது, 6 சதவீதமாக இருக்கும் என்று மதிப்பிட்டு இருந்தது.
கடன் வளர்ச்சி
நடப்பு நிதி ஆண்டில் வங்கிகளால் வழங்கப்படும் கடன் வளர்ச்சி 16 சதவீதமாக இருக்க வேண்டும் என பாரத ரிசர்வ் வங்கி இலக்கு நிர்ணயம் செய்துள்ளது.
சர்வதேச அளவில் ஏற்பட்ட பொருளதார பின்னடைவிலிருந்து, உலக நாடுகள் இன்றும் முழுமையான அளவில் மீளவில்லை. எனவே பொருளதார வளர்ச்சியை நிலை நிறுத்துவதை லட்சியமாகக் கொண்டு பாரத ரிசர்வ் வங்கி, ரெப்போரேட் (4.75 சதவீதம்) மற்றும் ரிவர்ஸ் ரேப்போரேட் (3.25 சதவீதம்) ஆகியவற்றை உயர்த்தவில்லை.

பொளாதார நெருக்கடி காலம் முடிந்தது : ஒபாமா

வாஷிங்டன் : 2010ம் ஆண்டு தொடங்கியுள்ளதை முன்னிட்டு அமெரிக்க அ‌திபர் ஒபாமா தேசிய உரை ஆற்றினார். அப்போது அவர் பொருளாதார நெருக்கடி காலம் முடிந்து விட்டது என பெருமிதம் தெரிவித்தார். பொருளாதார நெருக்கடி நீங்கி விட்டாலும், அது ஏற்படுத்தியுள்ள பாதிப்புகளை சமாளிக்கும் பணி தொடரும் என்றார்.
மேலும், அவுட் சோர்சிங் தொழிலுக்கு அமெரிக்க அரசு இதுவரை அளித்து வந்த வரிவிலக்கு ரத்தாகிறது என்றார். இதனால், அவுட் சேர்சிங் எனப்படும் கால் சென்டர்களில் பணியாற்றும் லட்சக்கணக்கான இளைஞர்கள் கலக்கத்தில் உள்ளனர். அமெரிக்கர்களுக்கு வேலைவாய்ப்பு தரும் நிறுவனங்களுக்கு தான் இனி வரி சலுகை என ஒபாமா தெரிவித்துள்ளார். வேலை வாய்ப்பு ஏற்படுத்தி தருவது தான் அரசின் முழுமுதற் கொள்கை என ஒபாமா தெரிவிக்க கூட்டத்தில் கைதட்டல் பலமாக ஒலித்தது. எதிர்கட்சிகளால் சரமாரியாக விமர்சிக்கப்பட்டு வரும் மருத்துவ காப்பீட்டு திட்டம் நிச்சயம் வெற்றிகரமாக நிறைவேற்றப்படும் என்றார்.

வங்கி இல்லா கிராமங்களில் சேவை செய்ய வங்கி முகவர்கள்

புதுச்சேரி: வங்கி இல்லாத ஊர்களிலும் வங்கிச் சேவையை வழங்கும் நோக்குடன் இந்தியன் வங்கி சார்பில் ஸ்மார்ட் கார்டு என்ற மின்னணு அட்டை புதன்கிழமை அறிமுகம் செய்யப்பட்டது. நாட்டிலேயே முதன் முதலாக புதுச்சேரியில் உள்ள செட்டிப்பட்டு கிராமத்தில் முகவர்கள் மூலம் வங்கிச் சேவை வழங்கும் இத் திட்டம் அறிமுகம் செய்யப்பட்டுள்ளது. இந்திய ரிசர்வ் வங்கியின் வழிகாட்டுதலின்படி இந்த வசதி தொடங்கப்பட்டுள்ளது. டாடா கன்சல்டன்சி சர்வீசஸ் நிறுவனம் தகவல் தொழில்நுட்ப உதவி அளித்துள்ளது. இந்திய ரிசர்வ் வங்கியின் செயல் இயக்குநர் வி.எஸ்.தாஸ் இந்த ஸ்மார்ட் கார்டுகளை வழங்கினார். விழாவில் அவர் பேசுகையில், 'வங்கி வசதியற்ற, வங்கி குறைவான பகுதிகளில் வங்கித் தொடர்பாளர் என்கிற முகவர்களுக்கு இந்தியன் வங்கி அனுமதி அளிக்கும். இவர்கள் வங்கியின் சிறிய அளவிலான பணப் பரிவர்த்தனைக்கான அதிகாரம் பெற்ற பிரதிநிதிகளாக செயல்படுவர். அந்தப் பகுதிகளில் உள்ள சுய உதவிக் குழுக்கள், மளிகைக் கடைகள், ஓய்வுபெற்ற வங்கி ஊழியர்கள், பொது தொலைபேசி நிலையங்கள், பெட்ரோல் பங்குகள் போன்றவை வங்கித் தொடர்பாளர்களாக பணியாற்றலாம். வங்கித் தொடர்பாளர்கள் அவர்களுக்கு ஒதுக்கப்பட்ட பகுதிகளில் வங்கிச் சேவை வழங்க வேண்டும். வாடிக்கையாளர்களுக்கு வழங்கப்பட்ட ஸ்மார்ட் கார்டை பயன்படுத்துவதற்கான கருவியை வங்கித் தொடர்பாளர் வைத்திருப்பார். இக்கருவி மூலம் முகவரிடமே பணம் செலுத்தலாம், பெறலாம். பணம் பெறும்போதும், செலுத்தும் போதும் உடனடியாக ரசீது வழங்கப்படும். அப்போது எவ்வளவு பணம் எடுக்கப்பட்டது மற்றும் செலுத்தப்பட்டது என்று கருவியில் குரல் ஒலிக்கும். இதனால் வாடிக்கையாளரை வங்கித் தொடர்பாளர்கள் ஏமாற்ற வாய்ப்பில்லை. எல்லா பணப் பரிமாற்றமும் இணையம் சார்ந்து இருப்பதால், அவை உடனடியாக வாடிக்கையாளர் கணக்குகளில் பதிவு செய்யப்படுகிறது. வங்கி கிளைகளிலும் இந்த கார்டைப் பயன்படுத்தலாம். பாமர மக்கள், சிறிய அளவிலான தொகையை பாதுகாப்பாக செலுத்தி, எடுக்க விரல்பதிவு முறையில் இந்த சேவை இயக்கும். வாடிக்கையாளர்களின் வீடுகளுக்கு அருகிலேயே இந்த சேவை கிடைக்கும். அவர்கள் நேரத்தையும், பணத்தையும் செலவிட்டு வங்கிக் கிளைகளுக்கு செல்லவேண்டியதில்லை' என்றார்.

பண வீக்கத்தை கட்டுப்படுத்த ரிசர்வ் வங்கி அதிரடி
மும்பை:பணவீக்கத்தை கட்டுப் படுத்தும் நடவடிக்கையாக, கட்டாய ரொக்க கையிருப்பு வீதத்தை, ரிசர்வ் வங்கி 75 புள்ளிகள் அதிகரித்துள்ளது. நிதிக் கொள்கைகள் குறித்து, இந்திய ரிசர்வ் வங்கி சார்பில் வெளியிடப்பட்ட செய்தி: குறுகிய கால கடன்கள் மற்றும் இந்திய ரிசர்வ் வங்கியில் இருந்து, பிற வங்கிகள் பெறும் கடனுக்கான வட்டி வீதத்தில் மாற்றமில்லை. இந்த நிதியாண்டில், 5 சதவீதமாக இருக்கும் என கணக்கிடப்பட்ட நாட்டின் பொருளாதார வளர்ச்சி, தற்போது, 7.5 சதவீதமாக இருக்கும் என, எதிர்பார்க்கப் படுகிறது. கட்டாய ரொக்க கையிருப்பு வீதத்தை, 75 அடிப்படை புள்ளிகள் அதிகரித்திருப்பதன் மூலம், அதிகப்படியான பணப்புழக்கம் கட்டுப் படுத்தப்படும் என, எதிர்பார்க்கப் படுகிறது. உணவுப் பொருட்கள் பணவீக்கம், பிற துறைகளுக்கு பரவுவதை கட்டுப் படுத்தவே, இத்தகைய நடவடிக்கை எடுக்கப் பட்டுள்ளது. இந்த நிதியாண்டின் இறுதியில் பணவீக்கம், 8.5 சதவீதத்தை எட்டும் என, கணக்கிடப்பட்டுள்ளது. இவ்வாறு அந்த செய்தியில் கூறப்பட்டுள்ளது.

இன்டர்நெட் எக்ஸ்புளோரர்-6க்கு குட்பை சொல்கிறது கூகுள்!
இந்த ஆண்டுக்குள் இன்டர்நெட் எக்ஸ்புளோரர்-6 (ஐஇ-6) பிரவுசருக்கு குட்பை சொல்கிறது கூகுள். இனி வரும் காலங்களில் ஐ.இ 7, பயர்பாக்ஸ் 3, கூகுள் குரோம் 4, சபாரி 3 மற்றும் அதன் மேம்பட்ட பிரவுசர்கள் மட்டுமே கூகுள் இணையதளங்களின் பிரவுசராக தொடருமாம்.

இதுகுறித்து கூகுள் அப்ளிகேஷன்ஸ் வெளியிட்டுள்ள ஒரு செய்தியில், இணையதள பிரவுசர் தொழில்நுட்பத்தின் சிறந்த அம்சங்களையும், செயல்பாட்டையும் வாடிக்கையாளர்களுக்கு அளிக்கும் வகையில் பல்வேறு மாற்றங்கள் திட்டமிடப்பட்டுள்ளன.

அதி நவீன பிரவுசர் தொழில்நுட்பத்தை பயன்படுத்தும் வகையில் குறிப்பாக அதி விரைவு ஜாவா ஸ்கிரிப்ட் பிராசசர் மற்றும் எச்டிஎம்எல்5 ஆகியவை உள்ளடக்கிய அம்சங்களுக்கு ஊக்கமளிக்கத் திட்டமிடப்பட்டுள்ளது.

எனவே இந்த ஆண்டுக்குள் ஐ.இ 6 பிரவுசர் கூகுள் பயன்பாட்டிலிருந்து விலக்கிக் கொள்ளப்படும். அதேபோல இன்டர்நெட் எக்ஸ்புளோரரின் பழைய வெர்சன்களும் கூட படிப்படியாக கைவிடப்படும். இதனால் இந்த பிரவுசர்களில் கூகுள் தளங்களை சரியாக பார்க்கவோ, 'இன்டர்ஆக்ட்' செய்வதோ முடியாது.

2010ம் ஆண்டு மார்ச் 1ம் தேதி முதல் கூகுள் டாக்குமென்ட் மற்றும் கூகுள் இணையதளங்கள் இந்த பிரவுசர்கள் செயல்படாது. இந்தக் கால கட்டத்திற்குப் பின்னர் மேற்கண்ட பிரவுசர்களில் கூகுள் இணையதளங்கள் சரிவர செயல்படாது.

இந்த ஆண்டின் பிற் பகுதியில், கூகுள் மெயில் மற்றும் கூகுள் காலண்டர் ஆகியவற்றுக்கும் இந்த பிரவுசர்கள் செயல்படாது.

அதே சமயம், ஐ.இ 7, பயர்பாக்ஸ் 3, கூகுள் குரோம் 4, சபாரி 3 மற்றும் அதன் மேம்பட்ட பிரவுசர்கள் மட்டுமே கூகுள் இணையதளங்களின் பிரவுசராக தொடர்ந்து செயல்படும்.

அடுத்த வாரம் முதல் பழைய பிரவுசர்களை பயன்படுத்தி வரும் வாடிக்கையாளர்களுக்கு கூகுள் டாக்குமென்ட் மற்றும் கூகுள் இணையதளங்களில் ஒரு செய்தி வெளியாகும். அதில், மேம்பட்ட வெர்சன்களுக்கு மாறிக் கொள்ளும்படி அறிவுறுத்தப்படும். மேலும் மார்ச் 1ம் தேதிக்கு முன்பும் ஒரு ரிமைன்டர் கொடுக்கப்படும் என்று அதில் தெரிவிக்கப்பட்டுள்ளது.

தமிழக அரசின் தலைமைச் செயலக தற்காலிகப் பணியிடங்கள் ரத்தாகிறது
சென்னை: தமிழக அரசின் தலைமைச் செயலகத்தில் உள்ள நூற்றுக்கும் மேற்பட்ட தற்காலிகப் பணியிடங்கள் ரத்தாகும் எனக் கூறப்படுகிறது.

தலைமைச் செயலகத்தில் 34 அரசுத் துறைகள் செயல்பட்டு வருகின்றன. அரசின் முக்கிய உத்தரவுகள், அறிவிப்புகள் உள்ளிட்டவை இங்கிருந்து வெளியாகின்றன.

நிரந்தரப் பணியிடங்களுடன் குறிப்பிட்ட அளவு தாற்காலிகப் பணியிடங்களும் ஏற்படுத்தப்பட்டுள்ளன. அந்தப் பணியிடங்களுக்கு ஒவ்வொரு ஆண்டும் கால நீட்டிப்பு வழங்கப்படும். அடுத்த ஆண்டு கால நீட்டிப்புக்கான உத்தரவு ஒவ்வொடு ஆண்டின் டிசம்பர் மாதத்தில் வெளியிடப்படும்.

கூடுதல் செயலாளர், இணைச் செயலாளர், துணைச் செயலாளர், சார்பு செயலாளர் என பல்வேறு நிலைகளில் இந்த தாற்காலிகப் பணியிடங்கள் ஏற்படுத்தப்பட்டுள்ளன.

அரசின் பல்வேறு துறைகளைச் சேர்ந்தவர்கள் இந்தப் பணியிடங்களில் பணியாற்றுவார்கள். அவற்றில், 150-க்கும் மேற்பட்ட இடங்களுக்கு இந்த ஆண்டு வழங்க வேண்டிய கால நீட்டிப்பு இதுவரை அளிக்கப்படவில்லை. இதனால், நடப்பாண்டில் இந்தப் பணியிடங்கள் ரத்து செய்யப்படும் சூழல் உருவாகியுள்ளதாக தலைமைச் செயலக ஊழியர்கள் தெரிவிக்கின்றனர்.

கால நீட்டிப்பு வழங்கப்பட்டால் மட்டுமே தாற்காலிக பணியிடங்களுக்கு சம்பளம் அளிக்கப்படும். 150க்கும் மேற்பட்ட பணியிடங்களை நீட்டிக்காததால் அந்த இடங்களில் பணியாற்றுவோருக்கான ஜனவரி மாதச் சம்பளத்தை வழங்க முடியாத நிலை ஏற்பட்டுள்ளதாக தலைமைச் செயலக ஊழியர்கள் தெரிவிக்கின்றனர்.

இதனிடையே, ஜனவரி மாத சம்பளத்தை மட்டும் வழங்கக் கோரி சம்பளம் மற்றும் கணக்குகள் துறைக்கு பணியாளர் மற்றும் நிர்வாகச் சீர்திருத்தத் துறை கடிதம் எழுதியுள்ளதாக தலைமைச் செயலக வட்டாரங்கள் தெரிவிக்கின்றன.

ஜனவரி மாதத்துக்கு மட்டும் சம்பளத்தை வழங்கக் கோரியுள்ளதால், பிப்ரவரி மாதத்துக்கான சம்பளம் வழங்கப்படுமா என்பது சந்தேகம். அதற்குள் அந்தப் பணியிடங்கள் ரத்து செய்யப்பட்டு விடலாம் என்ற அச்சம் நிலவுகிறது.

இந்த நிலையில், சோனி எனப்படும் சார்பற்ற பிரிவு அலுவலர் பணியிடங்களை இந்த ஆண்டு நீட்டிக்க வேண்டும் என்ற எதிர்பார்ப்பு ஊழியர்களிடையே எழுந்துள்ளது.

தாற்காலிகப் பணியிடங்கள் ரத்து செய்யப்படும் பட்சத்தில் சோனியை மீண்டும் வழங்க அரசு நடவடிக்கை எடுக்க வேண்டும் என்ற கோரிக்கை வலுத்துள்ளது.

உதவிப் பிரிவு அலுவலர் நிலையில் இருந்து பிரிவு அலுவலர் பணியிடத்துக்கு பதவி உயர்வு அளிக்கப்படும்.

பதவி உயர்வு பட்டியலில் உள்ளதை விட, காலியிடங்களின் எண்ணிக்கை குறைவாக இருக்கும்போது சார்பற்ற பிரிவு அலுவலர் என்ற நிலை பின்பற்றப்படும். இதன்படி, ஒவ்வொரு ஆண்டும் 100 பேர் பயன்பெற்று வந்தனர்.

கடந்த பல ஆண்டுகளாக இந்த நடைமுறை பின்பற்றப்பட்டு வந்தது. இந்த ஆண்டில் இதுவரை அதை நீட்டிப்பதற்கான உத்தரவை அரசு வெளியிடவில்லை. சார்பற்ற பிரிவு அலுவலர் பணியிடங்களை உடனடியாக வழங்கவும் தலைமைச் செயலக ஊழியர்கள் கோரிக்கை விடுத்துள்ளனர்.

மீண்டும் தள்ளிப் போகிறது 3 ஜி ஏலம்-அரசுக்கு ரூ.35,000 கோடி வருவாய் பாதிப்பு!
இந்த நிதியாண்டில் மத்திய அரசுரக்கு வரவேண்டிய ரூ.35,000 கோடி தள்ளிப் போயிருக்கிறது... காரணம் 3 ஜி ஸ்பெக்ட்ரம் ஏலம் உரிய காலத்தில் நடக்காததுதான்!

இந்த மாதம், அடுத்த மாதம் என தொடர்ந்து தள்ளிப் போடப்பட்டு வந்தது 3 ஜி எனப்படும் அடுத்த தலைமுறைக்கான தொலைபேசி அலைக்கற்றை ஏலம்.

இந்த ஏலம் எப்படி விட வேண்டும், எவ்வளவு அடிப்படை ஏலத்தொகை நிர்ணயிக்கப்பட வேண்டும் போன்றவற்றை தொலைத் தொடர்பு அமைச்சகம் மட்டும் நிர்ணயிக்காமல், நிதியமைச்சர் உள்ளிட்ட 5 துறை அமைச்சர்கள் பிரதமர் ஆலோசனையுடன் நிர்ணயிப்பார்கள் என மாற்றியமைக்கப்பட்டது.

இதில் பெரும் இழுபறி நிலவியது. ஒருவழியாக குறைந்தபட்ச ஏலத் தொகையை நிர்ணயித்தாலும், பாதுகாப்பு அமைச்சகம், எல்லைப் புறங்களில் அலைக் கற்றைகள் பரவாமல் தடுக்கும் பணிகளை மேற்கொள்ள குறிப்பிட்ட கால அவகாசம் கேட்க, அதிலும் கால தாமதம் ஏற்பட்டது.

ஒருவழியாக எல்லாம் முடிந்து இந்த பிப்ரவரி அவல்லது மார்ச் மாதமே 3 ஜி ஏலத்தை முடித்து அரசுக்கு வரவேண்டிய ரூ 35000 கோடியை வசூலித்துவிடுவோம் என மத்திய தொலைத் தொடர்பு அமைச்சர் ஆ ராசா கடந்த வாரம் அறிவித்திருந்தார்.

ஆனால் இப்போது 3 ஜி ஏலமே இந்த நிதியாண்டு நடைபெறாது என்ற அதிர்ச்சித் தகவல் வெளியாகியுள்ளது.

உண்மையான காரணம் என்ன?

"உண்மையில் பாதுகாப்புத் துறை இன்னமும் எல்லைப் புறங்களில் ஸ்பெக்ட்ரம் அலைக் கற்றைகளைத் தடுத்து நிறுத்தும் பணியை முற்றிலும் செய்து முடிக்கவில்லை. இது நமது தேசத்தின் பாதுகாப்பு சம்பந்தப்பட்டது என்பதால் அந்தப் பணியை முழுமையாக முடிக்கும் வரை 3 ஜி ஏலம் நடைபெறுவதை அனுமதிக்க முடியாது. காத்திருக்கத்தான் வேண்டும். எப்படியும் இந்த ஆண்டு மத்தியில் ஆகஸ்ட்-செப்டம்பருக்குள் இந்தப் பணி முடிந்து விடும் எனத் தெரிகிறது... அதன் பிறகுதான் 3 ஜி ஏலம்" என்கிறார்கள் தொலைத் தொடர்புத் துறை அதிகாரிகள்.

இதுகுறித்து இன்னமும் தொலைத் தொடர்புத் துறை மற்றும் நிதித் துறை அதிகாரப்பூர்வமாக அறிவிக்கவில்லை. 3ஜி ஏலத்துக்கு தலைமை வகிப்பவர் நிதி அமைச்சர் பிரணாப் முகர்ஜி என்பது குறிப்பிடத்தக்கது.

Read: In English
ஏற்கெனவே மொத்த உற்பத்தியில் 6.8 சதவீதம் அளவுக்கு பற்றாக்குறை ஏற்பட்டு நிதித் துறை தத்தளித்துக் கொண்டுள்ளது. இந்த சூழலில் குறித்த காலத்தில் 3 ஜி ஏலம் நடக்காததால் அரசுக்கு வரவேண்டிய ரூ.35.000 கோடி வருவாய் பாதிக்கப்பட்டுள்ளது. இது இந்த ஆண்டு பட்ஜெட்டில் கடுமையான பாதிப்பை ஏற்படுத்தும் என பொருளாதார நிபுணர்கள் கருத்து தெரிவித்துள்ளனர்.

சிஆர்ஆரை உயர்த்தியது ரிசர்வ் வங்கி!
டெல்லி: வணிக வங்கிகள் கட்டாயமாகக் கையிருப்பில் வைத்திருக்க வேண்டிய ரொக்கக் கையிருப்பு விகித அளவு 75 புள்ளிகள் அதிகரிக்கப்படுவதாக ரிசர்வ் வங்கி இன்று அறிவித்துள்ளது.

இதன்படி தற்போது 5.75 சதவீதமாக இந்த மதிப்பு நிர்ணயிக்கப்பட்டுள்ளது. ரிசர்வ் வங்கியின் இந்த நடவடிக்கைக்கு முக்கிய காரணம், அதிகரித்து வரும் பணவீக்கத்தைக் கட்டுக்குள் கொண்டு வரவே என விளக்கம் அளிக்கப்பட்டுள்ளது.

ரிசர்வ் வங்கியின் இந்த நடவடிக்கையால் அளவுக்கதிகமான பணப்புழக்கம் உறிஞ்சப்படும். உபரி ரொக்கம் குறைவதால் விலைநிலை சற்று மட்டுப்படும் என்று எதிர்ப்பார்க்கப்படுகிறது.

சிஆர்ஆர் மதிப்பு உயர்த்தப்பட்டிருந்தாலும், ரிசர்வ் வங்கியிடமிருந்து வங்கிகள் பெறும் கடன்களுக்கான வட்டி விகிதங்களில் எந்த மாற்றமும் செய்யப்படவில்லை.

Read: In English
இதனால் வங்கிக் கடன்களுக்கான வட்டி விகிதங்கள் உயர்த்தப்படாது என எதிர்பார்க்கப்படுகிறது.

மீண்டும் வேலைக்கு ஆள் சேர்க்கும் சத்யம்!
மும்பை: மகிந்திரா சத்யம் நிறுவனம் 2000 புதிய பணியாளர்களை பணி நியமனம் செய்யப் போவதாக அறிவித்துள்ளது. புதியவர்கள் மற்றும் அனுபவமிக்கவர்களின் கலவையாக இந்த நியமனம் அமையும் என அறிவிக்கப்பட்டுள்ளது.

இதுவரை வேலைக்குறைப்புக்கு வழிபார்த்துக் கொண்டிருந்த மகிந்திரா சத்யம் இப்போது புதிய ஆட்களை நியமிப்பது குறித்துப் பேசத் துவங்கிவிட்டது. காரணம், மீட்சிப் பாதையில் செல்லத் துவங்கியுள்ளதாம் இந்த நிறுவனம்.

"நிலைமை முன்பு போல மோசமாக இல்லை. வர்த்தகம் நல்ல நிலைக்குத் திரும்பத் துவங்கிவிட்டது. எதிர்காலம் தெளிவாகத் தெரிகிறது. எனவே இப்போது வருகிற வேலைக்கான ஆர்டர்களைச் சமாளிக்க புதிய பணியாளர் நியமனம் அவசியம். இதை இனியும் தள்ளிப் போடாமல் இப்போதே பணி நியமனங்களைச் செய்யப் போகிறோம்" என்கிறார் மகிந்திரா நிறுவனத்தின் உயர் அதிகாரி ஒருவர்.

அடுத்த நிதியாண்டிலிருந்து கேம்பஸ் இன்டர்வியூவையும் மீண்டும் தொடங்கப் போவதாக சத்யம் அறிவித்துள்ளது.

ஏற்கெனவே 2008ம் ஆண்டு கேம்பஸ் இன்டர்வியூ மூலம் பலரை தேர்வு செய்தது சத்யம் நிறுவனம். ஆனால் நிதி நெருக்கடி காரணமாக, தாங்கள் அளித்த வேலைவாய்ப்புக் கடிதங்களை அப்படியே விட்டுவிட்டது. இவர்களுக்கு மீண்டும் பணிநியமனம் வழங்கப்படுமா என்ற கேள்விக்கு பதிலளிக்க மறுத்துவிட்டார் அந்த உயர் அதிகாரி.

இந்நிலையில் சமீபத்தில் 6000 மாணவர்களுக்கு தேர்வு வைத்து, அவர்களில் 3000 பேரைத் தேர்வு செய்து வைத்துள்ளது சத்யம். இவர்களை 50 பேர் கொண்ட குழுக்களாக தேர்வு எழுத வைத்து, தேவையானவர்களை இறுதிப் பட்டியலில் இடம் பெறச் செய்யும் திட்டம் உள்ளதாம்.

கங்கைகொண்டான்: படுவேகத்தில் உருவாகும் 'ஐடி' பூங்கா
நெல்லை: கங்கைகொண்டானில் ரூ.24 கோடியில் அமைய உள்ள தகவல் தொழில்நுட்ப பூங்கா பணிகள் வரும் செப்டம்பர் மாதத்தில் நிறைவு பெறும் என அமைச்சர் பூங்கோதை தெரிவித்தார்.

தமிழக தகவல் தொழில்நுட்பத் துறை அமைச்சர் பூங்கோதை கங்கைகொண்டானில் நடைபெற்றுவரும் தகவல் தொழில்நுட்ப பூங்கா பணிகளை பார்வையிட்டார். பின்னர் அவர் நிருபர்களுக்கு பேட்டி அளிக்கையில்,

'தமிழக முதல்வரின் ஆணைப்படி இரண்டாம் நிலை நகரங்களான கோவை, நெல்லை, திருச்சி, மதுரை உள்ளிட்ட நகரங்களில் தகவல் தொழில்நுட்ப பூங்கா அமைக்கும் பணிகள் நடக்கின்றன.

இதன்படி கங்கைகொண்டானில் 54 ஆயிரம் சதுர அடியில் நிர்வாக கட்டிடங்கள் ரூ.14 கோடி மதிப்பிலும், உட்கட்டமைப்பு பணிகள் ரூ.10 கோடியிலும் நடந்து வருகின்றன. இப்பணிகள் வரும் செப்டம்பர் மாதத்திற்குள் நிறைவுபெறும்.

இப்பணிகள் நிறைவு பெற்றவுடன் வேலை வாய்ப்புக்களும் அதிகரிக்கும். சதர்ன் லேண்ட், குளோபல் நிறுவனங்களுக்கு தலா 5 ஏக்கரில் நிலம் ஓதுக்கப்பட்டுள்ளது.

தகவல் தொழில் நுட்ப பூங்கா மொத்தம் 389 ஏக்கர் நிலத்தில் அமைய உள்ளது. இதில் தற்போது 100 ஏக்கர் நிலத்தில் பணிகள் நடந்து வருகின்றன' என்றார்.

முட்டைக்கு மைனஸ் ரேட் வழங்கும் என்.இ.சி.சி., : அதிர்ச்சியில் புரோக்கர்கள், வியாபாரிகள்
நாமக்கல்: முட்டையின் தேவையைப் பொறுத்து, மைனஸ் ரேட் வழங்க என்.இ.சி.சி., முடிவு செய்வதால், முட்டை வியாபாரிகள், புரோக்கர்கள் மத்தியில் அதிர்ச்சியை ஏற்படுத்தியுள்ளது. நாமக்கல் மாவட்டத்தில், 800க்கும் மேற்பட்ட கோழிப் பண்ணைகள் உள்ளன. இங்கிருந்து, தினமும், 2.50 கோடி முட்டைகள், நாட்டின் பல்வேறு பகுதிகளுக்கும், வெளி நாடுகளுக்கும் அனுப்பப்படுகின்றன. இங்கு உற்பத்தி செய்யும் முட்டைகளுக்கு, நாமக்கல்லில் செயல்பட்டு வரும் தேசிய முட்டை விலை நிர்ணயக்குழு (என்.இ.சி.சி.,) விலை நிர்ணயம் செய்கிறது. வாரத்தில் மூன்று நாள் வீதம், விலை நிர்ணயம் செய்யப்படும். எனினும், கோழிப் பண்ணைகளில் முட்டை எடுக்கும் புரோக்கர்கள், நிர்ணயம் செய்யப்பட்ட விலையில் இருந்து, சற்று விலையை குறைத்து முட்டை எடுப்பர். புரோக்கர்களின் ஆதிக்கம் காரணமாக, என்.இ.சி.சி., நிர்ணயம் செய்யும் விலை, கோழிப் பண்ணையாளர்களுக்கு கிடைக்காத சூழல் இருந்தது. இப்பிரச்னைக்கு தீர்வு காணும் விதத்தில், சில நாட்களாக நாள்தோறும் என்.இ.சி.சி., முட்டை விலை நிர்ணயம் செய்து வருகிறது. முட்டையின் தேவையைப் பொறுத்தும் மைனஸ் ரேட் வழங்குவதை, என்.இ.சி.சி., முடிவு செய்கிறது. இது முட்டை வியாபாரிகள், புரோக்கர்கள் மத்தியில் அதிர்ச்சியை ஏற்படுத்தியுள்ளது.

முட்டை வியாபாரி ஒருவர் கூறியதாவது: இந்தியாவில் எந்த மாநிலத்திலும் முட்டைக்கு மைனஸ் ரேட் வழங்குவதில்லை. ஆனால், நாமக்கல் மாவட்டத்தில் காலம், காலமாக மைனஸ் ரேட் வழங்கப்பட்டுள்ளது. அதனால், என்.இ.சி.சி., ஒரு விலை நிர்ணயம் செய்தாலும் கூட, புரோக்கர்கள் ஒன்று கூடி, ஒரு விலையை நிர்ணயித்து பண்ணைகளில் முட்டை எடுப்பர். உதாரணத்துக்கு, முட்டை 260 காசுக்கு விற்பனையானால், 40 முதல் 50 பைசா வரை, முட்டையை விலை குறைத்து பண்ணைகளில் புரோக்கர்கள் கொள்முதல் செய்வர். பின், அந்த முட்டையை மூன்று ரூபாய் வரை விற்பனை செய்வர். இதனால், முட்டை விலை உயர்ந்தாலும் பண்ணையாளர்களுக்கு பெரிய அளவில் லாபம் கிடைக்கவில்லை. முட்டை விலையுடன் வாடகை கொடுத்தால், வியாபாரிகள் பயனடைவர். அதே நேரத்தில் முட்டையை வாங்கும் வியாபாரிகள், அதை கேரளா போன்ற வெளி மாநிலங்களுக்கு கொண்டு செல்லும்போது, ஒரு நாள் ஆகிவிடும். தற்போது, நாள்தோறும் முட்டை விலை நிர்ணயம் செய்வதால், முட்டை விற்பனைக்கு கொண்டு செல்லும் சமயத்தில், அதன் விலை குறைந்தால், அது வியாபாரிகளின் கையை கடிக்கும் விதத்தில் அமையும். விலை உயர்ந்தால் வியாபாரிகளுக்கு லாபம் கிடைக்கும். இவ்வாறு அவர் கூறினார்.

வெளிநாடுகளுக்கு பண பரிமாற்றம்: அஞ்சல் துறையின் புதிய வசதி
சென்னை: வெளிநாடுகளுக்கு மணியார்டர் மூலம் பண பரிமாற்றம் செய்யும் 'எம்.ஓ., விவேஷ்' திட்டம் விரைவில் தமிழகம் முழுவதும் உள்ள தலைமை அஞ்சல் அலுவலகங்களில் அறிமுகப்படுத்தப்படுகிறது.
வெளிநாடுகளில் இருக்கும் நம் நாட்டை சேர்ந்தவர்கள், இங்குள்ள தங்கள் குடும்ப அங்கத்தினர்களுக்கு 'வெஸ்டர்ன் மணி டிரான்ஸ்பர்' திட்டத்தின் மூலம் பணம் அனுப்பி வந்தனர். வங்கிகள் மற்றும் தனியார் நிதி நிறுவனங்கள் இந்த சேவையை வழங்கி வந்த நிலையில், அஞ்சல் துறையும் தனது அலுவலகங்களில் இத்திட்டத்தை அறிமுகப்படுத்தி செயல்படுத்தி வருகிறது. இந்நிலையில், தற்போது இந்திய அஞ்சல் துறை உள்ளூர் பண பரிமாற்றத்திற்கான மணியார்டர் மூலம் வெளிநாடுகளிலும் பணப் பரிமாற்றம் செய்யும் திட்டத்தை அறிமுகப்படுத்தியுள்ளது. இதற்காக, 65 நாடுகளுடன் ஒப்பந்தம் செய்துள்ள இந்திய அஞ்சல் துறை இந்த புதிய திட்டத்திற்கு, 'எம். ஓ., விவேஷ்' என பெயரிட்டுள்ளது. இத்திட்டம் விரைவில் அறிமுகப்படுத்தப்படுகிறது. தமிழகத்தில் உள்ள தலைமை அஞ்சல் அலுவலகங்களில் இத்திட்டம் செயல்படுத்தப்பட உள்ளது.

இதுகுறித்து, சென்னை மத்திய கோட்ட அஞ்சல் முதுநிலை கண்காணிப்பாளர் வெங்கட்ராமன் கூறியதாவது:

வெளிநாடுகளில் சென்று சம்பாதித்து பெற்றோர் மற்றும் குடும்பத்தினருக்கு பணம் அனுப்புவோர் மற்றும் வெளிநாடுகளில் இருந்து படிக்கும் பிள்ளைகளுக்கு இங்கிருந்து பணம் அனுப்புவோர் வசதிக்காக இத்திட்டத்தை அஞ்சல்துறை வடிவமைத்துள்ளது. இத்திட்டத்தின் மூலம் வீட்டிலிருந்தபடியே சம்பந்தப்பட்டவர்கள் பணத்தை பெற முடியும். 'வெஸ்டர்ன் மணி டிரான்ஸ்பர்' அடிப்படையில் அனுப்பப்படும் இந்த பணம், அனுப்பும் அன்று உள்ள மதிப்பின்படி வழங்கப்படும். தொகையின் அடிப்படையில் சேவைக் கட்டணம் வசூலிக்கப்படும். இத்திட்டத்தில், இந்தியாவில் இருந்து 50 ஆயிரம் ரூபாய் வரையில் ரொக்கமாகவும், அதற்கு மேற்பட்ட தொகை காசோலையாக அஞ்சல் அலுவலகங்களில் பெறப்படும். வெளிநாடுகளில் இருந்து 2,500 அமெரிக்க டாலர்கள் வரையில் அனுப்பலாம். இதற்காக மத்திய ஆப்ரிக்க நாடுகள், சிங்கப்பூர், சவுதி அரேபியா, குவைத், பஹ்ரைன், ஆஸ்திரேலியா, பிரிட்டன் உள்ளிட்ட 65 நாடுகளில் உள்ள அஞ்சல் துறைகளுடன் இந்திய அஞ்சல் துறை ஒப்பந்தம் செய்துள்ளது. வெளிநாடுகளில் இருந்து அனுப்பப்படும் பணம் இங்கு அடுத்த இரண்டு நாட்களுக்குள் பட்டுவாடா செய்வதற்கான ஏற்பாடுகள் நடந்து வருகிறது. சென்னை நகர மண்டலத்தை பொறுத்தவரையில் மயிலாப்பூர், தி.நகர், பார்க்டவுன், அண்ணாசாலை, சென்னை ஜி.பி.ஓ., தாம்பரம், பரங்கிமலை, செங்கல்பட்டு, காஞ்சிபுரம், திருவள்ளூர், வேலூர், புதுச்சேரி, விழுப்புரம், திண்டிவனம் மற்றும் திருவண்ணாமலை தலைமை அஞ்சல் அலுவலகங்களில் விரைவில் இத்திட்டம் செயல்படுத்தப்பட உள்ளது. இவ்வாறு வெங்கட்ராமன் கூறினார்.

ஆபிள் நிறுவனத்தின் புதிய ஐபாட் அறிமுகம்
சான்பிரான்சிஸ்கோ: ஆபிள் நிறுவனத்தின் புதிய வகை ஐபாட் சான்பிரான்சிஸ்கோவில் அறிமுகப் படுத்தப் பட்டது. இந்த ஐபாடில் வெப் பிரவுசிங், ரீடிங் அன்ட் சென்டிங் மெயில், வாட்ஜ் வீடியோஸ், லிசன் மியூசிக், ப்ளோயிங் கேம், ரீடிங் இ-புக் உள்ளிட்ட பல்வேறு சிறப்பம்சங்கள் இடம் பெற்றுள்ளன.

இது, ஹை-செலுஷன் மல்டி- டச் டிஸ்ப்ளே கொண்டு வடிவமைக்கப் பட்டுள்ளது. இந்த ஐபாட் 0.5 இன்ச் அடர்த்தியும் 1.5 பவுண்ட் எடையும் கொண்டுள்ளது.


இந்த ஐபாட்டில் புதிதாக கண்டுபிடிக்கப் பட்ட 12 அப்ளிகேஷன்கள் இடம் பெற்றுள்ளன. மார்ச் மாதம் சந்தைக்கு வரும் இதன் விலை 499 அமெரிக்க டாலராகும்.

ஐபாட் இரண்டு வெர்சன்களில் வருகின்றன. அவற்றில் டபுல்யூ.ஐ-எப்.ஐ., மற்றொன்று டபுல்யூ.ஐ-எப்.ஐ.,யுடன் 3ஜி இணைந்தது. இத்துடன் 802.11 என் டபுல்யூ.ஐ, மற்றும் 3 ஜி வெர்சன்கள் இடம்பெற்றுள்ளன.

புதிதாக அறிமுகப் படுத்தப் பட்ட இந்த ஐபாட்டின் ஸ்பீடு, ஹெச்.எஸ்.டி.பி.ஏ., ‌நெட்வெர்க்கில் 7.2 எம்.பி.பி.எஸ்., ஆகும்.

அக்.,-டிசம்பரில் 153 மில்லியன் டாலர் லாபம்: யாகூ
நியூயார்க்: இண்டர்நெட் என்றாலே முதலில் யாகூ என்பது தான் நினைவுக்கு வரும். அந்த அளவிற்கு முன்னேறியுள்ள யாகூ நிறுவனம், தற்போது காலாண்டு கணக்கெடுப்பினை வெளியிட்டுள்ளது.

இதுகுறித்து அந்நிறுவனம் வெளியிட்டுள்ள செய்தியில், அக்டோபர் முதல் டிசம்பர் வரையிலான காலகட்டத்தில் நிறுவனத்தின் காலாண்டு நிகர லாபம் 153 மில்லியன் டாலராக உள்ளது என தெரிவித்துள்ளது.

இந்திய ரூபாயின் மதிப்பில் இது ரூ. 693 கோடியாகும். கடந்த ஆண்டு இதே காலகட்டத்தில் இந்நிறுவனத்திற்கு நிகர நஷ்டமாக 303 மில்லியன் டாலர் ஏற்பட்டுள்ளது.

இதே போல, யாகூவின் வருவாய் 2009ம் ஆண்டின் நான்காவது காலாண்டில் 1.73 பில்லியனாக உள்ளது. இது அதற்கு முந்தைய ஆண்டை விட 4 சதவீதம் உயர்வு.

இருப்பினும், கடந்த காலாண்டுடன் ஒப்பிடும் போது, இது 10 சதவீதம் அதிகமாகும்.

இந்தாண்டு நிகர லாபம் உயர்ந்திருப்பதற்கு, விளம்பர பிரிவில் ஏற்படுத்திய முன்னேற்றமே காரணம் என்று அந்நிறுவனம் தெரிவித்துள்ளது.

2009ம் முழு வருடத்தில், யாகூ நிறுவனத்தின் நிகர லாபம் 598 மில்லியன் டாலராக உயர்ந்துள்ளது. இது கடந்த ஆண்டு 419 மில்லியன் டாலராக இருந்தது.

நிறுவனத்தின் வருமானம் 7.2 பில்லியன் டாலரில் இருந்து 6.46 பில்லியன் டாலராக சரிந்துள்ளது.

மெர்சிடிஸ் பென்சின் புதிய வகை கார் அறிமுகம்
புதுடில்லி: மெர்சிடிஸ் பென்ஸ் இந்தியா., நிறுவனத்தின் புதிய வகை கார் சீடன் எஸ்350 டில்லியில் அறிமுகப் படுத்தப் பட்டது.
இதன் விலை 80.5 லட்சம் ரூபாயில் இருந்து 82 லட்சம் வரை உள்ளது.

புதிதாக அறிமுகப் படுத்தப் பட்ட இந்த வகை காரை பெட்ரோல் மற்றும் டீசல் ஆகிய இரண்டு வகைகளிலும் உள்ளது.

பெட்ரோல் பயன்படுத்தப் படும் கார் ரூ. 82 லட்சத்திற்கும் டீசல் பயன்படுத்தப் படும் கார் ரூ. 80.5 லட்சத்திற்கும் விற்பனை செய்யப் படுகிறது.

புதிதாக அறிமுகப் படுத்தப் பட்டுள்ள இந்த சீடன் எஸ்350 புதிய எஸ்-கிளாஸ் கார் நிச்சயம் அனைவரும் விரும்பும் விதமாக இருக்கும் என்று மெர்சிடிஸ் இந்தியா நிறுவன இயக்குனர் மற்றும் சி.ஈ.ஓ., வில்பிரைட் அல்பர் தெரிவித்துள்ளார்.

முகேஷ் அம்பானி மீது பால்தாக்கரே பாய்ச்சல்
மும்பை: மும்பை இந்தியர்கள் அனைவருக்கும் சொந்தமானது என்று முன்னணி தொழிலதிபர்களின் ஒருவரான முகேஷ் அம்பானி கூறி இருந்தார். இதனால், முகேஷ் அம்பானியை சிவசேனா தலைவர் பால்தாக்கரே கடுமையாக சாடியுள்ளார். ' ரிலையன்ஸ் நிறுவனங்கள் மீது முகேஷ் அம்பானிக்கு உள்ள உரிமையைப் போன்று மராத்தி மக்களுக்கு மும்பை மீது உரிமை உள்ளது. மும்பை மகாராஷ்ட்ராவின் தலைநகரம்.தொடர்ந்து அவ்வாறே இருக்கும்.எனவே மும்பை மற்றும் மராத்தி மைந்தர்களின் பாதையில் மூக்கை நுழைக்க வேண்டாம் என்று முகேஷ் அம்பானியை பால்தாக்கரே சாடியுள்ளார். மேலும், மும்பை, சென்னை மற்றும் டெல்லி ஆகிய நகரங்கள் இந்தியர்கள் அனைவருக்கும் சொந்தம் என்று கூறும் முகேஷ் அகமதாபாத்,ஜாம்நகர் மற்றும் ராஜ்கோட் போன்ற நகரங்களை விட்டுவிட்டது ஏன்? 'என்றும் அவர் கேள்வி எழுப்பியுள்ளார். தனது கட்சிக்கு சொந்தமான சாம்னா என்ற பத்திரிக்கையில் அவர் எழுதியுள்ள கட்டுரையில் இவ்வாறு பால்தாக்கரே சாடியுள்ளார் என்பது குறிப்பிடத் தக்கது.

ஷாரூக்கானுக்கு ரூ. 1.38 கோடியில் மெழுகுசிலை
லண்டன்: லண்டனில் ரூ.1.38 கோடியில் நிறுவப்பட்ட பாலிவுட் நடிகர் ஷாரூக்கான் மெழுகுச்சிலை திறக்கப்பட்டது. லண்டனில் உள்ள மாடேம் டஸ்சாட்ஸ் அருங்காட்சியகத்தில் சர்வதேச அளவிலான பிரபலங்களின் மெழுகுச்சிலைகளை நிறுவுவது வழக்கம். சமீபத்தில் அமெரிக்க அதிபர் ஓபாமாவும், அவரது மனைவி மிச்செலியும் அருகருகே நிற்பது போன்ற மெழுகுச்சிலை திறக்கப்பட்டது. தற்போது பாலிவுட் பிரபல நடிகர் ஷாரூக் கான் கைகளை கட்டியடி நிற்கும் மெழுகுச்சிலையை நிறுவப்பட்டுள்ளது. கடந்த சில ஆண்டுகளுக்கு முன்பே சிலை தயாரிக்கும் பணிகள் நடந்து வந்தன. இந்நிலையில் அந்த சிலை சுற்றுலா பயணிகளின் பார்வைக்காக திறந்து வைக்கப்பட்டுள்ளது. லண்டனின் தனக்கு ஏராளமான ரசிகர்கள் இருப்பதாக ஷாரூக் கான் ஏற்கனவே அளித்த பேட்டியில் தெரிவித்திருந்தார். அதனை நிரூபிப்பது போல ஏராளமான ரசிகர்கள் ஷாரூக் சிலை அருகே நின்று போட்டோ எடுத்து மகிழ்ச்சியை வெளிப்படுத்தினார்கள்.

சத்யம் ராஜு பரம ஏழை: நியூயார்க் நீதிமன்றம் ஏற்பு

நியூயார்க்: சத்யம் கம்ப்யூட்டர் நிறுவன முன்னாள் தலைவர் ராமலிங்க ராஜுவை, பரம ஏழையாக அறிவித்ததோடு, அவர் கோர்ட் கட்டணம் செலுத்துவதில் இருந்தும் விலக்கு அளித்து, அமெரிக்க கோர்ட் உத்தரவிட்டுள்ளது.
சத்யம் கம்ப்யூட்டர் நிறுவனத்தில் நடந்த கோடிக்கணக்கான ரூபாய் நிதி மோசடி குறித்து, அதன் முன்னாள் தலைவர் ராமலிங்க ராஜு கடந் தாண்டு ஒப்புக் கொண்டதைத் தொடர்ந்து, சிறையில் அடைக்கப்பட்டார்.

இவர் மற்றும் இவரது சகோதரர் மீது அமெரிக்க கோர்ட்டில் நடந்து வரும் வழக்கு ஒன்றில், தாங்கள் பரம ஏழை என்று ராமலிங்க ராஜு, அவரது சகோதரர் ராமராஜு மற்றும் சத்யம் நிறுவன முன்னாள் நிதி அலுவலர் ஸ்ரீநிவாஸ் வட்லமணி ஆகியோர் மனு தாக்கல் செய்தனர்.

இவர்கள் சார்பில் தாக்கல் செய்த மனுவில், 'நாங்கள் பரம ஏழை என்பதால், அமெரிக்காவில் எங்களுக்காக வாதாட வக்கீல் நியமிக்கவோ, கோர்ட் கட்டணம் செலுத்தவோ அல்லது கோர்ட் விதிக்கும் பிற நிதி உத்தரவுகளை பூர்த்தி செய்யவோ இயலவில்லை' என, தெரிவிக்கப்பட்டது.

இந்த மனுவை விசாரித்த நியூயார்க் கோர்ட் நீதிபதி பார்பரா ஜோன்ஸ், தன் உத்தரவில் கூறியதாவது:

ராமலிங்க ராஜு, அவரது சகோதரர் ராமராஜு மற்றும் சத்யம் நிறுவன முன்னாள் நிதி அலுவலர் ஸ்ரீநிவாஸ் வட்லமணி ஆகியோர், தாங்கள் பரம ஏழைகள் என்பதற்கு போதுமான அளவு விளக்கமளித்துள்ளனர்.

அவர்களால் அமெரிக்க சட்டப்படி செலுத்த வேண்டிய கட்டணத்தை செலுத்த முடியவில்லை.

எனவே, அவர்களுக்கு கோர்ட் கட்டணம் செலுத்துவதில் இருந்து விலக்கு அளிக்கப்படுகிறது.

இவ்வாறு பார்பரா ஜோன்ஸ் கூறினார்

விப்ரோ நிறுவனத்தின் சூழல் பாதுகாப்பு கம்ப்யூட்டர்
சென்னை: தகவல் தொழில்நுட்ப நிறுவனமான விப்ரோ லிமிடெட் தற்போது மறு சுழற்சி செய்யும் வகையில் நச்சுத் தன்மை அற்ற கம்ப்யூட்டர்களை அறிமுகப்படுத்தியுள்ளது. இத்தகைய கம்ப்யூட்டர்கள் இந்தியாவில் அறிமுகப்படுத்தப்படுவது இதுவே முதல் முறையாகும். இன்டல் டியூயல் கோர் தயாரிப்புகள் இதில் இடம்பெறும். இதன் மூலம் கார்சினோஜெனிக் எனப்படும் நச்சுத்தன்மை அற்ற கம்ப்யூட்டர்கள் சந்தைக்கு வந்துள்ளது. இவற்றை மறு சுழற்சி செய்யலாம். இதனால் சுற்றுச் சூழல் பாதுகாக்கப்படும். இந்த கம்ப்யூட்டர்கள் 2 ஆண்டு ஆராய்ச்சிக்குப் பிறகு அறிமுகப்படுத்தப்பட்டுள்ளதாக நிறுவனத்தின் தலைமை செயல் தலைவர் அனுராக் பெஹர் தெரிவித்தார்